ყველა საქმის კურსში იყო, რომ თურმე გეგმავდნენ ბიძინა ივანიშვილის და „ოცნების“ სხვა ლიდერების მკვლელობას, აფეთქებას, ტერორისტულ აქტებს და ამის მეშვეობით სახელმწიფო გადატრიალებას, - ამის შესახებ უმრავლესობის ლიდერმა მამუკა მდინარაძემ ჟურნალისტებს განუცხადა, რითაც გამოეხმაურა ტერორიზმის მომზადებისა და ამბოხის საქმეზე სუს-ში მიმდინარე გამოძიებას.
ოპოზიციის გამსხვილების პროცესი ძალიან კარგია. ოთხი პოლიტიკური ბლოკის შემკვრელი სტრუქტურა გამოიკვეთა. ეს უკეთესია, ვიდრე მეტი დაქსაქსულობა, თუმცა ოპოზიციური ფლანგის მეტი გამსხვილება კიდევ უფრო უკეთესი იქნება, – ამის შესახებ ოპოზიციონერმა დეპუტატმა, რომან გოცირიძემ განაცხადა.
საპარლამენტო უმრავლესობის წევრის, ირაკლი ზარქუას შეფასებით, აშშ-ის საპრეზიდენტო არჩევნებში დონალდ ტრამპის გამარჯვება ომის დასრულებას ნიშნავს.
ტრამპი თუ გაიმარჯვებს არჩევნებში, უკრაინაში ომი უფრო მალე დასრულდება და, შესაბამისად, უფრო მალე დამშვიდდება ჩვენი რეგიონი, რაც შეცვლის დამოკიდებულებას კონკრეტულად საქართველოს მიმართაც, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
ოპოზიცია ყველა ერთად არ გაერთიანდებოდა და იმედი მაქვს, რომ ეს არც მოხდება. გასაგებია, ამოცანა გვაქვს, რომ უნდა მოხდეს სახელისუფლებო ცვლილება, მაგრამ ეს არ ნიშნავს, რომ მეორე უკიდურესობაში გადავვარდეთ. ბოლშევიზმი ყველგან ცუდია. განსხვავებული აზრი არსად რომ არ დარჩეს, ფუნდამენტურად არასწორი მგონია, - ამის შესახებ თავდაცვის ყოფილმა მინისტრმა, არასამთავრობო ორგანიზაციის "სამოქალაქო იდეას" დამფუძნებელმა თინა ხიდაშელმა FirstNews.ge-თან საუბარში განაცხადა.
დღეს, საქართველოს არ გვაქვს იმის ფუფუნება, რომ ჩვენი ქვეყნის გაწირვის რისკზე წავიდეს. საკმარისია გადავდგათ ერთი არასწორი ნაბიჯი და საახალწლოდ ტრადიციული ფეიერვერკის ნაცვლად, ლომჯარიას ფეიერვერკს მივიღებთ, - ამის შესახებ „ქართული ოცნების“ საპატიო თავმჯდომარემ, ბიძინა ივანიშვილმა, განაცხადა.
