13:00 საათის მდგომარეობით, შესულია 50 განცხადება და საჩივარი, მწყობრიდან სულ გამოვიდა ვერიფიკაციის სამი აპარატი და ხმის მთვლელი შვიდი აპარატი, – ამის შესახებ ცესკო-ს პრესსპიკერმა, ნათია იოსელიანმა განაცხადა.
საოლქო საარჩევნო კომისიამ დაუყოვნებლივ მოიწვია სხდომა და მარნეულის #69 უბნის მონაცემები ბათილად იქნა ცნობილი - უბანზე პროცესი შეწყდა, - ამის შესახებ ცესკოს პრესსპიკერმა, ნათია იოსელიანმა ჟურნალისტებს განუცხადა.
ქუთაისში 10 საათის მონაცემებით ხმა 11 097 ამომრჩეველმა მისცა.
საქართველოს პრეზიდენტმა, სალომე ზურაბიშვილმა ხმა 67-ე საჯარო სკოლაში განთავსებულ საარჩევნო უბანზე მისცა.
როგორც კი დასრულდება არჩევნები, როგორც კი დასრულდება ომი უკრაინაში, სრულად გადაიტვირთება ურთიერთობები როგორც აშშ-სთან, ისე ევროკავშირთან. გვაქვს ძალიან კარგი სიგნალები ჩვენი სტრატეგიული პარტნიორებისგან, - ამის შესახებ ჟურნალისტებს პრემიერ-მინისტრმა, ირაკლი კობახიძემ განუცხადა.
