მრავლად გვაქვს დაფიქსირებული ფულის დარიგების ფაქტები - ხატია დეკანოიძე
ქუთაისის მერობის კანდიდატის, ხატია დეკანოიძის განცხადებით, არჩევნების პროცესში დამკვირვებლებმა ე.წ. "კარუსელის მცდელობა" და ფულის გადაცემის ფაქტები დააფიქსირეს.
გაერთიანებული ოპოზიციის კანდიდატმა ბრიფინგზე დამკვირვებლებისთვის საარჩევნო პროცესის დაკვირვებაზე ხელის შეშლის ფაქტებზეც ისაუბრა.
"მე-7 საარჩევნო უბანზე იყო "კარუსელის" მცდელობა, მარკირებიანი მოქალაქე ცდილობდა მეორედ შესვლას. ეს არის ის გაყალბების სქემა და მექანიზმი, რომელსაც იყენებენ ადგილობრივად "ქართული ოცნების” წარმომადგენლები. მე-40 უბანზე დაფიქსირდა უბანთან ახლოს მდგარი მანქანიდან ფულის დარიგების ფაქტი, რაც ხდება ბევრგან. მრავლად გვაქვს დაფიქსირებული მოსყიდვის ფაქტები, რომელსაც ძალიან მალე წარვუდგენთ ჟურნალისტებს.
დილიდან ქუთაისის ყველა უბანზე ჩვენს დამკვირვებლებს შეექმნათ პრობლემები, ბევრ მათგანს უბანზე არ უშვებდნენ. მაგრამ, განსაკუთრებული პრობლემა შეიქმნა რეგისტრატორების უკან დამკვირვებლების განლაგებაზე. ამასთან დაკავშირებით მოგვიწია საჩივრების დაწერა", - განაცხადა ხატია დეკანოიძემ.
სიახლეები
- კარტოფილის ღვეზელი
- “ზურა გირჩის პარტიის წევრმა ხომ აღიარა, რომ დიახ, ჩვენ რევოლუციას ვამზადებთო? – რასაც ჩვენ ვამბობდით და რასაც უარყოფდნენ ეს მავნებლები” – ირაკლი ზარქუა
- ისრაელის არმიის ცნობით, თეირანში ცენტრიფუგების ქარხანა დაბომბეს
- “ოპოზიციონერების მხრიდან გირაოს გადაუხდელობაზე: ეს იმისთვის გააკეთეს, რომ შემდეგ ქალბატონი რაისა გამოვიდეს და თავისი რუსული აქცენტით თქვას, საქართველოში ოპოზიციის პოლიტიკურ ლიდერებს იჭერენო” - ზარქუა
- “ჩოჩანაში რაც მოხდა, ეს იყო იმის მინი მოდელი, რაც მანამდე მოხდა 2008 წელს, როდესაც სააკაშვილის რეჟიმმა დაიწყო ომი, გიორგი გახარიამ საერთოდ არავინ არ ჩააყენა საქმის კურსში” - ირაკლი კობახიძე
