კიანუ რივზი რჩეულთან ერთად გამოჩნდა
55 წლის მსახიობმა, კიანუ რივზმა პირადი ცხოვრების ირგვლივ არსებულ ჭორებს ბოლო მოუღო და საჯაროდ გამოჩნდა თავის პარტნიორთან, ალექსანდრა გრანტთან ერთად.
ალექსანდრა გრანტი ხელოვანია, რომელიც ერთდროულადაა დაინტერესებული ხატვით, ფოტოგრაფიითა და კინოთი. კიანუ რივზს მასთან საკმაოდ დიდხნიანი მეგობრული და საქმიანი ურთიერთობა აკავშირებს: გრანტმა გააფორმა რივზის ორი წიგნი თავისი ილუსტრაციებით - Ode to Happiness და Shadows, რომლებიც მსახიობმა 2011 და 2016 წლებში გამოაქვეყნა.
4 ნოემბერს Gucci-ის მიერ გამართულ LACMA Art + Film Gala-ს წითელ ხალიჩაზე ისინი პირველად გამოჩდნენ საჯაროდ, როგორც შეყვარებული წყვილი. მათი მეგობრობის შესახებ აქამდეც ვრცელდებოდა ინფორმაცია, თუმცა, როგორც ჩანს, რივზი და გრანტი აქამდე შესანიშნავად ახერხებდნენ კიდევ უფრო მეტი დეტალის მედიისთვის დამალვას.
ფოტო: Taylor Hill / Getty Images
კიანუ რივზის ერთგული გულშემატკივრებისთვის უკვე ცნობილია მისი სამომავლო გეგმების შესახებ: მსახიობი თავის საკულტო როლს კიდევ ერთხელ შეასრულებს მატრიცას მეოთხე ნაწილში, რომლის გადაღებაზეც ლანა ვაჩოვსკი უკვე მუშაობს.
ჩვენ კი ისღა დაგვრჩენია, ფილმის პრემიერას დაველოდოთ.
on.ge
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
