ალუბალი განსაკუთრებით სასარგებლო ხილია, რომელიც ადამიანების ჯანმრთელობაზე დადებით გავლენას ახდენს, გვეხმარება გაჯანსაღებაში, ენერგიის აღდგენაში და ცხელი დღეების დროს გაგრილებაში. დღეს გაგიზიარებთ ალუბლის სმუზის რეცეპტს, რომელიც სასარგებლოა როგორც ბავშვებისთვის, ასევე ზრდასრულებისათვის:

ინგრედიენტები:

• 250 მლ ნუშის რძე
• 250 გრ ალუბალი, კურკის გარეშე
• 1 მანგო
• 1 სუფრის კოვზი სელის თესლი
• 1 ჩაის კოვზი ჩიას თესლი
• ვანილი

მომზადება:

რძე, მანგო და ალუბალი, ასევე ჩიასა და სელის თესლი დააბლენდერეთ, ვიდრე ერთგვაროვან მასას არ მიიღებთ. ნუშის რძე შეგიძლიათ, ჩვეულებრივი რძით ან ქოქოსის რძით შეცვალოთ. მანგო კი სხვა უფრო ხელმისაწვდომი ხილით - მარწყვით, ბანანით ან ანანასით. უმჯობესია, რძეც და ხილიც იყოს ცივი. თუ არსებული მასა თქვენთვის საკმარისად ტკბილი არ იქნება, შეგიძლიათ, დაამატოთ თაფლი. ასევე, სურვილის შემთხვევაში, შეგიძლიათ, დაამატოთ ვანილიც.

წყარო