იმერეთში მცხოვრები 14 წარჩინებული მოსწავლე გაცვლითი პროგრამის ფარგლებში ლატვიაში გაემგზავრა
იმერეთში სახელმწიფო რწმუნებულმა–გუბერნატორმა, შავლეგო ტაბატაძემ მოადგილესთან იოსებ ხახალეიშვილთან ერთად 14 წარჩინებული მოსწავლე და 2 პედაგოგი გაცვლითი პროგრამის ფარგლებში ლატვიაში გაამგზავრა.მხარის რწმუნებული ბავშვებს ქუთაისის დავით აღმაშენებლის აეროპორტში შეხვდა და წარმატებული ვიზიტი უსურვა.
,,თქვენ გაქვთ საუკეთესო შანსი ჩვენი რეგიონი და საკუთარი მუნიციპალიტეტები წარმოაჩინოთ და გააცნოთ ლატვიელ ახალგაზრდებს. თქვენ უნდა დააინტერესოთ თითოეული მათგანი, რომ საქართველოში ჩამოსვლის სურვილი გაუჩნდეთ. ვიცი, რომ გაცვლითი პროგრამის ფარგლებში მიწვეული ხართ ლატვიაში საქართველოს საელჩოში, გაქვთ შეხვედრები სხვადასხვა სკოლებში და უმაღლეს სასწავლებლებში. მინდა ნაყოფიერად გამოიყენოთ ყველა შეხვედრა. კარგია, რომ იმერეთზე პრეზენტაცია გაქვთ მომზადებული და აპირებთ ყველა შეხვედრაზე აჩვენოთ. მე გპირდებით ყოველთვის ხელს შევუწყობ ნიჭიერი ახალგაზრდების გაცვლით პროგრამებში მონაწილეობასა და ჩართულობას. გისურვებთ საინტერესო ვიზიტს“–აღნიშნა იმერეთის გუბერნატორმა შავლეგო ტაბატაძემ.
გაცვლითი პროგრამის ფარგლებში პოლონეთში უახლოეს პერიოდში ბაღდათის მუნიციპალიტეტიდან 15 წარჩინებული მოსწავლე გაემგზავრება.
სიახლეები
- ადვოკატის ვარაუდით, ნინო დათაშვილს ფსიქიატრიული ექსპერტიზისთვის შესაბამის დაწესებულებაში სავარაუდოდ, დღეს ან ხვალ გადაიყვანენ
- “კომისიის დასკვნა მნიშვნელოვანია იმით, რომ დოკუმენტში თავმოყრილია ყველა ის ფაქტი და ქმედება, რომელსაც სჩადიოდა “ნაცმოძრაობა”, მიხეილ სააკაშვილი და მათთან დაკავშირებული პირები” - თეა წულუკიანი
- ტრამპი აცხადებს, რომ აშშ-ის ბირთვული წყალქვეშა ნავები რუსეთის მახლობლად იმყოფებიან
- ირაკლი კობახიძე: ღრმა მწუხარებას გამოვხატავ უდიდესი ქართველი კინორეჟისორის – ელდარ შენგელაიას გარდაცვალების გამო
- “ელდარ შენგელაიას გარდაცვალება დიდი დანაკლისია არა მხოლოდ ქართული კინოსთვის, არამედ, მთელი ქვეყნისთვის” - ბიძინა და ეკატერინე ივანიშვილები
