ვულოცავ ჩვენს პედაგოგებს პროფესიულ დღესასწაულს და ახალი სასწავლო წლის დაწყებას! - დავით ერემეიშვილი
5 ოქტომბერი მასწავლებელთა საერთაშორისო დღეა. ამ დღესთან დაკავშირებით, ქუთაისის მერიაში მიღება მოუწყვეს ამაგდარ და წარმატებულ პედაგოგებს.
ქუთაისის მერის მოვალეობის შემსრულებელმა დავით ერემეიშვილმა და ადმინისტრაციული სამსახურის უფროსმა პეტრე ადამაძემ 6 ამაგდარი და ღვაწლმოსილი პედაგოგი დააჯილდოეს.
შეხვედრას ესწრებოდა იმერეთის მხარის გუბერნატორის მოადგილე ლევან კიკნაველიძე.
მედეა კალანდარიშვილს, ეთერ ბალანჩივაძეს, ვალენტინა ჩირგაძეს, ქეთევან ასათიანს, შაზინა ზურაბიანს და როზა დევდარიანს ფულადი ჯილდოები გადაეცათ.
„ვულოცავ ჩვენს პედაგოგებს პროფესიულ დღესასწაულს და ახალი სასწავლო წლის დაწყებას! დღეს იმ ამაგდარ მასწავლებლებს შევხვდით, რომლებიც ათწლეულებია მომავალი თაობის აღზრდის რთულ და საპატიო მისიას ასრულებენ. მათი ღვაწლის დაფასება ჩვენი ვალია. მადლობა თითოეულ მასწავლებელს! დიდხანს და მხნედ ემსახურონ სკოლას და განათლებას!“- განაცხადა დავით ერემეიშვილმა.
ქუთაისის მერიის კულტურის, სპორტის, განათლების და ახალგაზრდობის საქმეთა განყოფილების მიერ ორგანიზებული ამაგდარ პედაგოგთა დაჯილდოების ღონისძიება ტრადიციულად , ყოველ წელს იმართება.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
