უგემრიელესი ნამცხვარი „ვულკანი“ ორნაირი ცომით - მოამზადეთ საყვარელი ადამიანებისთვის
ინგრედიენტები
- შაქარი - 250 გ (125 ცომში, 125 ხაჭოში)
- ფქვილი - 200 გ
- ხაჭო - 500 გ
- არაჟანი - 200 გ
- სოდა - 0.5 ჩკ
- ძმარი - 1 სკ
- მანის ბურღული - 2 სკ
- კარაქი - 3 სკ
- მარწყვი
- ვანილი
- კვერცხი - 5 ც
მომზადების წესები
3 კვერცხი გათქვიფეთ მიქსერით მწიკვ მარილთან ერთად. კვერცხი რომ ამოვა, დაუმატეთ შაქარი და გააგრძელეთ თქვეფა. შემდეგ შეათქვიფეთ არაჟანი.
სოდა გახსენით ძმარში.
ამოყვანილ კვერცხს დაუმატეთ გამდნარი კარაქი და ძმარში გახსნილი სოდა. ამოურიეთ. ბოლოს დაუმატეთ ფქვილი და ნაზად ამოურიეთ. მასა გადაიტანეთ ქაღალდჩაფენილ გამოსაცხობ ფორმაში (ჩვენთან 22 სმ დიამეტრი).
ხაჭოს დაუმატეთ 2 კვერცხი, ვანილი, მანის ბურღული და შაქარი. კარგად დააბლენდერეთ ერთგაროვანი მასის მიღებამდე. ხაჭოს მასა დაუმატეთ ფორმაში გადატანილ ცომს. გადაანაწილეთ ცენტრში. სურვილისამებრ, თავზე მოალაგეთ 5-7 ც მარწყვი. ოდნავ დააწექით თითით, რომ მასაში ჩავიდეს. გამოაცხვეთ 180 გრადუსზე 1 საათით (ნახევარი საათის შემდეგ ტემპერატურას 160 გრადუსამდე დაუწიეთ).
გააგრილეთ ნამცხვარი და მიირთვით!
სიახლეები
- საპატრიარქო განცხადებას ავრცელებს
- იმერეთში რძის გადამამუშავებელი არალეგალური საწარმოები გამოვლინდა
- ,,გლოვის დღეები ჰქონდა საქართველოს, ამიტომ არაფერი დავწერე, არადა ბევრი რამ მოხდა…” – ეკა კუპატაძე
- ნიუ-იორკის აეროპორტში სამგზავრო თვითმფრინავი შეეჯახა აეროპორტის სატრანსპორტო საშუალებას
- ისრაელმა თეირანში იერიშის ახალი ტალღა დაიწყო
