„არა დიდ ჰესებს“ - ნამოხვანჰესის წინააღმდეგ ქუთაისში აქცია გაიმართა
,,არა კაშხალს“, ,,გაიღვიძეთ საფრთხეა“, „არა დიდ ჰესებს“, „ქუთაისი საფრთხეშია“ - ამ სლოგანებით ქუთაისში საპროტესტო აქცია გაიმართა.
სამოქალაქო სექტორის წარმომადგენლები და პოლიტიკური პარტიის წევრები რუსთაველის ხიდზე შეიკრიბნენ. მათი თქმით, „ნამოხვანჰესის“ მშენებლობა ეკოლოგიურ კატასტროფას გამოიწვევს და ქუთაისსა და მიმდებარე მუნიციპალიტეტებს საფრთხეს შეუქმნის. აქციის მონაწილეები ხელისუფლებას მოუწოდებენ უარი თქვან კაშხლის მშენებლობაზე.
,,მე, როგორც ეკოლოგი და უფლებადამცველი ვაცხადებ, რომ დიდი ჰესების მშენებლობა იწვევს ტენიანობის მატებას, რაც ანადგურებს სოფლის მეურნეობას, ტურიზმის განვითარების პოტენციალს. ეს არის სეისმურად აქტიური მხარე, კაშხლის ნგრევის შემთხვევაში კი ქუთაისი მთლიანად დაიტბორება", - განაცხადა FirestNews.ge - თან საუბარში უფლებადამცველმა ლაშა ჩხარტიშვილმა.
აქციის მონაწილეების განცხადებით, "ქართული ოცნება" ხელისუფლებაში მოსვლამდე უარს აცხადებდა დიდ ჰესებზე, ხელისუფლებაში მოსვლის შემდეგ პირველი სწორედ ჰესები მშენებლობა დაიწყო.
"ქართულმა ოცნებამ“ წინასაარჩევნო დაპირება არ შეასრულა. დაპირება, რომ „ნამოხვანჰესი“ არ აშენდებოდა, შეიცვალა. მივმართავთ დიპლომატიურ კორპუსსა და საერთაშორისო ორგანიზაციებს, მხარი არ დაუჭირონ მსგავსი პროექტების განხორციელებას.
ყველა ვისაც აწუხებს ეს პრობლემა გამოვიდა და ვაცხადებთ უარს. დაუშვებელია დიდი ჰესის მშენებლობა, განსაკუთრებით მეწყერსაშიშ ზონაში,"- განაცხადა სამოქალაქო აქტივისტმა ხვიჩა ვაშაყმაძემ.
აქციის მონაწილეები პერმანენტულ აქციებს აანონსებენ.
სიახლეები
- იდეალური სამარხვო სადილი - ფანტია ბრინჯი ბოსტნეულით
- ვინ იქნება შემდეგი პატრიარქი - არჩევის წესი და ისტორიული პარალელები
- უცხოური ვალუტის ოფიციალური კურსი 26 მარტისთვის
- პენტაგონს თავდაცვის წარმოება „საომარი მდგომარეობის პირობაზე“ გადაჰყავს
- ქუთაისის მუნიციპალიტეტის საკრებულომ, რიგით მე-6 სხდომაზე დღის წესრიგით წარმოდგენილი თერთმეტი საკითხი დაამტკიცა
