"ჩვენი მზადყოფნა, რომ დავეხმაროთ აფხაზეთში მოსახლეობას, ძალაშია"
ოკუპირებულ აფხაზეთში კოვიდინფექციით დაინფიცირების პირველი შემთხვევის გამოვლენას შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ეხმიანება და იმედს გამოთქვამს, რომ შემთხვევის მართვა დადგენილი პროტოკოლის დაცვით მოხერხდება.
მისივე თქმით, სახელმწიფო მზად არის, დაეხმაროს ადგილობრივ მოსახლეობას.
„ის, რომ შემთხვევა დადასტურდა აფხაზეთის რეგიონში, რა თქმა უნდა, არ არის მოულოდნელი. ცხადია, როცა საფრთხეებზე ვსაუბრობთ, ამის ალბათობა არსებობს და არსებობს იმის ალბათობაც, რომ იყოს სხვა შემთხვევებიც. რა თქმა უნდა, ჩვენი მზაობაც ძალაშია და მოქმედებები, რომელსაც ვატარებთ გარკვეული პერიოდის განმავლობაში, რომ დავეხმაროთ იქ მოსახლეობას. ასევე, მე იმედი მაქვს, რომ ადგილზე მოხერხდება ყველა იმ პროტოკოლის დაცვა, რითაც ასეთ შემთხვევებში ცდილობენ, რომ შეაკავონ უკვე გავრცელება, დაადგინონ კლასტერი, კონტაქტები და ასე შემდეგ. ეს ძალიან მნიშვნელოვანია,“- აცხადებს ქეთევან ციხელაშვილი.
შეგახსენებთ, ოკუპირებულ აფხაზეთში კოვიდინფექციით დაინფიცირების პირველი შემთხვევა გამოვლინდა.
სიახლეები
- უცხოური ვალუტის ოფიციალური კურსი
- “ჩვენ იმიტომ არ გამოვექეცით საბჭოთა კავშირს ევროკავშირისკენ, რომ ბრიუსელში ისევ საბჭოთა კავშირი დაგვხვედროდა” – პაპუაშვილი
- “ვინ უნდა იყოს გახარიასა და ხაზარაძის [მერობის] კანდიდატი, რომ საერთოდ სერიოზულად აღვიქვათ?!” – შალვა პაპუაშვილი
- საქართველოს პრეზიდენტი მიხეილ ყაველაშვილი ზუგდიდში, ვლაქერნობასთან დაკავშირებით სადღესასწაულო საღმრთო ლიტურგიას დაესწრო
- “სრული პასუხისმგებლობით გეუბნებით, რომ საკანონმდებლო ცვლილებები არ განხორციელებულა – 100%-იანი თანხმობის გარეშე მუნიციპალიტეტს არ აქვს უფლება, ხალხი შენობიდან გამოიყვანოს” - კახა კალაძე
