22 სტუდენტიდან 10 იმერეთის სხვადასხვა რეგიონის, ხოლო 4 ქუთაისის მაცხოვრებელია. ისინი ვერ ახერხებენ ქვეყანაში დაბრუნებას და ფაქტიურად ჩვენი 22 მოქალაქე ქუჩაში დარჩა.

მათი ცნობით საელჩოს მხოლოდ ერთი პასუხი აქვს - „იპოვეთ ალტერნატიული გზა“. ერთადერთ ალტერნატიულ გზაზე, რაც სტუდენტებმა იპოვეს, ბილეთის ფასი 3400 ლარია.

უკვე აღებული ხელფასი ბინის ქირაში გადაიხადეს და ამჟამად მაღაზიებში საკვების ყიდვასაც ვერ ახერხებენ, რადგან ბარათზე თანხა არ აქვთ და სხვაგვარად კორონავირუსის გამო საკვების ყიდვა შეუძლებელია.

საქართველოს მოქალაქეები აღმოჩდნენ ფორსმაჟორულ სიტუაციაში, არ იციან როგორ მოიქცნენ და არიან სახსრების გარეშე. საელჩო უნდა იყოს უფრო ქმედითი და აღრიცხოს ყველა ჩარჩენილი თანამოქალაქე.

მივმართავთ ქალაქისა და ქვეყნის სახელისუფლებო ორგანოს წარმომადგენლებს - თითოეული მათგანი მზადაა კარანტინისთვის და ელოდება საქართველოს საელჩოს რეაგირებას.