2019 წელი ფოტოებით
მასობრივი გამოსვლებს არაერთ ქვეყანაში ძალა დაუპირისპირეს, დაიწვა პარიზის ღვთისმშობლის ტაძარი, უკრაინის პრეზიდენტი გახდა კომიკოსი, რომელიც შემდეგ აშშ-ის საშინაო პოლიტიკური დისპუტში ჩაითრიეს.
თინეიჯერი გოგონას შთაგონებით აქციები იმართებოდა, რასაც მოჰყვა აზრთა სხვადასხვაობა კლიმატის ცვლილებაზე მისი მოწოდებების გამო. 2019 წლის ამ დიდი მოვლენების ფოტოები.
1. დემონსტრაცია 9 იანვარს სკოპიეში, პარლამენტის შენობის წინ. პროტესტი მიმართული იყო ქვეყნის დასახელების ჩრდილოეთ მაკედონიად გადაკეთების წინააღმდეგ. საბერძნეთთან შეთანხმებას, რომელიც ერთ თვეში შევიდა ძალაში, ნატოსა და ევროკავშირში ქვეყნის გაწევრიანებისთვის უმნიშვნელოვანეს პირობად მიიჩნევდნენ.
2. მექსიკის ქალაქ სიუდად ხუარესის გარეუბნელი, ანაპრელი გოგონა ხელზე ხელს ჰკიდებს ზღუდის იქით, აშშ-ის მხრიდან მდგომ პირს. ორივე ქვეყნის სასულიერო პირებმა 26 თებერვალს ილოცეს რეგიონის მიგრანტებისა და იქ მცხოვრებთათვის. ეს ზღუდე ერთ-ერთია იმ სასაზღვრო ბარიერებს შორის, როლებსაც აშშ-ის პრეზიდენტის, დონალდ ტრამპის, ადმინისტრაცია აფართოებს საზღვარზე კედლის შესაქმნელად.
3. პოლიციელი რეზინის ტყვიებს ისვრის ვენესუელის პრეზიდენტის, ნიკოლას მადუროს, მთავრობის წინააღმდეგ საპროტესტო გამოსვლის დროს კარაკასში, ვენსუელაში, 23 იანვარს.
4.ირანელი ქალი სელფის იღებს 11 თებერვალს ისლამური რევოლუციის მე-40 წლისთავის აღსანიშნავად გამართულ ცერემონიაზე თეირანში.
5. ხალხი ფარდის მიღმა, მოლდავეთის სოციალისტური პარტიის წინასაარჩევნო შეხვედრის დროს კიშინიოვში, 23 თებერვალს, საპარლამენტო არჩევნების წინა დღეს. პარტიამ არჩევნები მოიგო, მაგრამ ვერ შეძლო კოალიციური მთავრობის შექმნა პოლიტიკურად არასტაბილური წლის განმავლობაში.
6. ბელორუსიის თავდაცვის სამინისტროს სპეციალური „მაძიებელთა ბატალიონის“ ჯარიკაცი მონაწილეობს მეორე მსოფლიო ომის დროს ნაცისტური ოკუპაციისას ბრესტის ებრაულ გეტოში დახოცილთა გვამების ექსჰუმაციაში. ფოტო გადაღებულია 26 თებერვალს. მასობრივი საფლავი აღმოჩინეს სამშენებლო სამუშაოების დროს.
7. აშშ-ის პრეზიდენტი, დონალდ ტრამპი, ხელს ართმევს ჩრდილოეთი კორეის ლიდერს, კიმ იონ უნს, (თუ კიმ ჩენ ინს?) სასტუმროში სამიტის შემდეგ ჰანოიში, ვიეტნამში, 27 თებერვალს.
8. ავღანეთის ყანდაარის პროვინციაში წყალდიდობით დაზარალებულ არეალში, 2 მარტს, სოფლის მცხოვრებთ ცხვრები გადაჰყავთ. გაეროს თანახმად, სულ მცირე, 20 ადამიანი დაიღუპა მოულოდნელი წყალდიდობის შედეგად. ძლიერმა წვიმამ წაიღო სახლები და ავტომანქანები, დააზიანა ათასობით სახლი.
9. მანქანა მოძრაობს საგანგებოდ ზამთრის სეზონზე მოწყობილ, გაყინული მდინარე ენისეის ორი ნაპირის დამაკავშირებელ გზაზე, კრასნოიარსკის სამხრეთით, რუსეთში, 3 მარტი.
10. მოჰამად ნადირი (ცენტრში) ტირის ლოცვისას, რომელიც ახალ ზელანდიაში, ქრისტჩერჩში, ალ-ნურის მეჩეთში მასობრივი სროლის დროს დახოცილთა ხსოვნას მიეძღვნა. 15 მარტს ამ მეჩეთში 50 ადამიანი იქნა მოკლული.
11. უკრაინელი კომიკოსი და საპრეზიდენტო კანდიდატი, ვოლოდიმირ ზელენსკი, მაგიდის ჩოგბურთის თამაშისას 31 მარტს, კიევში, საპრეზიდენტო არჩევნების შემდეგ თავის საარჩევნო შტაბში. პეტრო პოროშენკოზე გამარჯვების შემდეგ პრეზიდენტად ზელენსკის ინაუგურაცია შედგა მაისში.
12. დევნილები და მიგრანტები დემონსტრაციას მართავენ ლტოლვილთა ბანაკთან, საბერძნეთში, დიავათაში, თესალონიკის მახლობლად, 6 აპრილს.
13. მტრედები თურქეთის პრეზიდენტის, რეჯეპ ტაიპ ერდოანის, პლაკატის წინ, ბურსაში, 7 აპრილს.
14. ბოშა ბავშვები გადაბმული ტანსაცმლით გაკეთებულ საქანელაზე, მათ ბანაკში, სოფელ პლემეტინაში, კოსოვოში, 8 აპრილს, ბოშათა საერთაშორისო დღეს, როცა ევროპაში ბოშურ კულტურას ზეიმობენ.
15. პარიზის ღთისმშობლის ტაძრის სამრეკლოსა და შპილს ცეცხლის ალი ედება და შთანთქავს 15 აპრილს.
16. სისხლის ლაქები იესო ქრისტეს ქანდაკებაზე ბომბის აფეთქების შემდეგ წმინდა სებასტიანის ეკლესიაში, ნეგომბოში, შრი ლანკაზე, 21 აპრილს. თვითმკვლელთა მიერ მოწყობილ აფეთქებებს ეკლესიასა და სასტუმროებში 259 ადამიანი ემსხვერპლა კვირას, აღდგომის დღეს. თავდასხმებისთვის პასუხისმგებლობა იკისრა ექსტრემისტულმა დაჯგუფებამ, „ისლამურმა სახელმწიფომ“.
17. პალესტინელები ათვალიერებენ ისრაელის ავიაციის მიერ დაბომბვის შედეგად დანგრეულ შენობას რაფაში, ღაზის სექტორში, 5 მაისს.
18. აჰმად საიედ რაჰმანი, ხუთი წლის ავღანელი ბიჭი, რომელმაც ფეხი დაკარგა ჯვარედინი სროლის დროს, პროტეზიანი ფეხით ცეკვავს 7 მაისს ქაბულში, წითელი ჯვრის საერთაშორისო კომიტეტის საავადმყოფოში, სადაც ომის დროს დაშავებულებს მკურნალობენ.
19. საფრანგეთში კანის საერთაშორისო კინოფესტივალის გახსნის ცერემონიის მონაწილის კაბის ფრაგმენტი, 14 მაისი.
20. კაცი, სირიისა და მისი მოკავშირეების ავიაციის დაბომბვისას დაჭრილ ბავშვს განარიდებს თავდასხმის ადგილს, იდლიბში, ქალაქ მაარეთ ალ-ნომანში, 26 მაისს.
21. ტყის ხანძარი საფრთხეს უქმნის რუსეთის ირკუტსკის რეგიონის სოფელ მელნიჩანაია პადს, 27 მაისს. მოხალისეებმა შეძლეს ხანძრის შეჩერება, ბავშვთა საზაფხულო ბანაკზე რომ არ გავრცელებულიყო.
22. გეი-აღლუმის მონაწილე ქალი ბუქარესტში, რუმინეთში, 22 ივნისი.
23. Boeing 737 MAX-ის ტიპის თვითმფრინავები ვაშინგტონის შტატში, სიეტლის Boeing Field-ის აეროპორტზე, 1 ივლისს. ავიაციის მესვეურებმა შეაჩერეს ამ ტიპის თვითმფრინავებით რეისები მას მერე, რაც კონსტრუქციისას დაშვებულ შეცდომას დაბრალდა ორი კატასტროფა.
24. ინგა კუდრაჩოვა ყვირის, როცა პოლიცია ცდილობს დააპატიმროს მისი მეგობარი, ბორის კანტოროვიჩი, - ანტისამთავრობო გამოსვლისას, მოსკოვში, 27 ივლისი.
25. ადამიანები ხელში მობილური ტელეფონებით მასობრივი მკვლელობის მსხვერპლის გვარების წაკითხვისას ტეხასში, ელ პასოში, Southwest University Park-ის სტადიონზე გამართულ ხსოვნის ცერემონიაზე 14 აგვისტოს.
26. ქუჩის პირას მდგომი ქალი სირიის ქურთულ ქალაქ რას ალ-აინთან, თალ თამრში, თურქეთის საზღვრის მახლობლად, 16 ოქტომბერს. კვამლით ცდილობდნენ ქურთულ არეალებზე თავდასხმისას თურქეთის თვითმფრინავებისთვის ხილვადობაში ხელი შეეშალათ.
27. ინდუისტი ქალები ლოცვას აღავლენენ დაბინძურებულ მდინარე იამუნაში რელიგიური დღესასწაულის, ჩათჰ პუჯას, დროს, ნიუ დელიში, 3 ნოემბერს.
28. ახალგაზრდა შვედი ბუნების დამცველი აქტივისტის, გრეტა თუნბერგის, გამოსახულება კედელზე, სან ფრანცისკოში, აშშ, 12 ნოემბერი. ნახატი შეასრულა არგენტინელმა მხატვარმა ანდრეას იგლესიასმა.
29. პოლიციის სპეცრაზმი ცრემლმდენ გაზს იყენებს ბოლივიის ექს-პრეზიდენტის, ევო მორალესის, მომხრეთა და პოლიტიკური ვითარებით უკმაყოფილო ადგილობრივი მოქალაქეების დასაშლელად ლა პასში გამართული დემონსტრაციის დროს, 13 ნოემბერი.
30. პოლიციის სპეცრაზმელი ფეხით თელავს ქოლგას, რომელსაც დემოკრატიის მომხრე დემონსტრანტები იყენებდნენ შეტაკების დროს, 18 ნოემბერს, ჰონგ-კონგის პოლიტექნიკურ უნივერსიტეტთან.
31. პოლიციის სპეცრაზმმა წყლის ჭავლი გამოიყენა დემონსტრანტების დასაშლელად თბილისში, ანტისამთავრობო გამოსვლისას 18 ნოემბერს.
32. პრორუსი სეპარატისტები დონეცკის ოლქში, პეტრივსკეს მახლობლად, განნაღმვის სამუშაოებს ატარებენ 19 ნოემბერს.
33. ირანელი ქალები „მელათ ბანკის“ დემონსტრაციების დროს დამწვარ შენობასთან ქალაქ შაჰრიარში 20 ნოემბერს. ირანის მთავრობის მიერ საწვავის ფასის, სულ მცირე, 50 პროცენტით გაძვირებას მოჰყვა გამოსვლები ირანის ბევრ ქალაქში.
34. ბაღდადში უშიშროების ძალებთან შეტაკების დროს დაჭრილი დემონსტრანტი გადაჰყავთ პირველი დახმარების მისაღებად, 28 ნოემბერი.
35. აშშ-ის პრეზიდენტი, დონალდ ტრამპი, პრესის წინაშე კომენტარისას, ვაშინგტონში, პრეზიდენტის შვეულმფრენზე ასვლის წინ 2 დეკემბერს, როცა წარმომადგენელთა პალატა მის წინააღმდეგ იმპიჩმენტის დაწყებას განიხილავდა.
36. რუსეთის პრეზიდენტი, ვლადიმირ პუტინი (მარჯვნივ), საფრანგეთის პრეზიდენტი, ემანუელ მაკრონი (შუაში) და უკრაინის პრეზიდენტი, ვოლოდიმირ ზელენსკი ერთმანეთს ხვდებიან პარიზში, ელისეს სასახლეში, 9 ნოემბერს. ეს იყო ზელენსკისა და პუტინის პირველი შეხვედრა, გამართული იმ მიზნით, რომ დასრულდეს ხუთწლიანი ბრძოლა უკრაინის აღმოსავლეთში, დონბასის რეგიონში, რომელსაც პრორუსული სეპარატისტები აკონტროლებენ.
სიახლეები
- “ეკონომიკის განვითარების დონეზეა დამოკიდებული ქვეყნის ეროვნული ინტერესების რეალიზება, საგარეო პოლიტიკური პოზიციების გაძლიერება, შესაბამისად, ეკონომიკურ ზრდას მომავალშიც განსაკუთრებული მნიშვნელობა მიენიჭება” - ირაკლი კობახიძე
- “ჩვენ ვერ დავუშვებთ საქართველოში ძალადობის წახალისებას, მათ შორის ვერც ბრიტანელი ჩინოვნიკების მხრიდან, უმჯობესი იქნება, დიდ ბრიტანეთში არსებულ პრობლემებზე იზრუნოს ბრიტანელმა ჩინოვნიკმა” - ირაკლი კობახიძე
- “ჩვენთვის მნიშვნელოვანია სტრასბურგის სასამართლოს რეკომენდაცია” - ირაკლი კობახიძე
- პარტიამ „გახარია საქართველოსთვის“ და კოალიციამ „ლელო – ძლიერი საქართველო“ თვითმმართველობის არჩევნებზე ურთიერთთანამშრომლობის შესახებ მემორანდუმი გააფორმეს
- “თორნიკე რიჟვაძემ აჭარისთვის ძალიან ბევრი რამ გააკეთა, მისთვის კორუფცია და მით უმეტეს, ნარკომოვაჭრეების მფარველობა არავის დაუბრალებია, ასეთი რამ, რაც საჯაროდაც გვინახავს, წამოსულია „ნაცმედიის“ და „ნაცჟურნალისტების“ მხრიდან” - მამუკა მდინარაძე
