"ბიზნესის შემდეგ, მმართველი პარტიის მაღალი თანამდებობის პირების ჯერი დადგა" - სალომე ზურაბიშვილი
ბიზნესის შემდეგ, მმართველი პარტიის მაღალი თანამდებობის პირების ჯერი დადგა. ბათუმის ყოფილ ხელმძღვანელს ან ესროლეს ან მან თვითმკვლელობა სცადა (ოფიციალური ვერსია) და ის სიცოცხლისთვის იბრძვის. მაღალი დონის კორუფცია და შურისძიება ახალი რეალობაა, რუსული მაფიის სტილში" - წერს საქართველოს მე-5 პრეზიდენტი სალომე ზურაბიშვილი X-ზე.
ზურაბიშვილმა განცხადება გამოაქვეყნა Facebook-ზეც:
"ქვეყანაში სრული განუკითხაობაა! ყველაფრის უფლება საკუთარ ხელში აიღეს იმ ადამიანებმა, ვისაც „მმართველი პარტია“ ჰქვია. დაწერილი სცენარებითა და მოგონილი ზღაპრებით ჰგონიათ, რომ ხალხის მოტყუება შესაძლებელია.
ამ დროს, ამ მოჩვენებითი რეალობის ფარდის მიღმა, ქვეყანა დააბრუნეს მაფიოზურ-კრიმინალურ სივრცეში.
ამ ყველაფერში ჩანს რუსული კვალი - ეს მეთოდები, ეს განუკითხაობა, ეს ცრუ რეალობა და ადამიანური ღირსებისგან დაცლილი რეჟიმი! დემოკრატიაზე და ევროპულ მომავალზე უარის თქმას ლოგიკურად მოჰყვება ეს მაფიოზური „მმართველობა“.
დღეს ამ ქვეყანაში ყველა საფრთხეშია! დაცული არავინაა!
შექმნილი ვითარება - ყოფილი მაღალჩინოსნების დაკავება, ძალადობის მუქარა ან სავარაუდო მიყვანა თვითმკვლელობამდე, ცნობადი ბიზნესმენების დემონსტრაციული რეკეტი - ნიშნავს ერთს: სახელმწიფო დანგრეულია!
ძალადობასა და შიშზე დაფუძნებული მმართველობა, რომელიც აღარ არჩევს „თავისიანებსა“ და „სხვებს“, დიქტატურის კლასიკური ბოლო ეტაპია და მოვლენები სწრაფდ ვითარდება!" - დაწერა მან
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
