უნივერსიტეტთან მიმდინარე აქცია გამთენიისას პოლიციის იძულებით დაიშალა
თბილისის სახელმწიფო უნივერსიტეტის პირველ კორპუსთან მიმდინარე საპროტესტო აქცია გამთენიისას მას შემდეგ დაიშალა, რაც ადგილზე პოლიცია გამოჩნდა და მათ დემონსტრანტებს 15 წუთიანი ვადა მისცეს გზის სავალი ნაწილის გასათავისუფლებლად.
ამ ვადის გასვლის შემდეგ კი მათ გზაზე პოლიციელების კორდონი ჩააყენეს და აქციის მონაწილეები აიძულეს გზის სავალი ნაწილიდან გადასულიყვნენ.
ამ წუთისთვის ჭავჭავაძის გამზირზე მოძრაობა გადაკეტილი არ არის.
პროევროპული დემონსტრაციების 197-ე დღეს, 21 წლის მათე დევიძის მხარდასაჭერად ფილარმონიასთან დაწყებული სპონტანური დემონსტრაცია, თბილისის სახელმწიფო უნივერსიტეტთან გაგრძელდა.
საპროტესტო აქციის მონაწილეებმა ღამისთევა გადაწყვიტეს და განაცხადეს, რომ „სადაც დაიწყო მოპარული არჩევნების შემდეგ პროტესტი, იქ ვათენებთ ღამეს სინდისის პატიმრებისთვის“. დემონსტრანტებმა კარვებიც გაშალეს.
აქცია დაიწყო მას შემდეგ, რაც „ქართული ოცნების“ მმართველობის წინააღმდეგ აქციაზე დაკავებულ 21 წლის მათე დევიძეს 4 წლითა და 6 თვით პატიმრობა მიუსაჯეს.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
