"გილოცავთ ნოვრუზ ბაირამს – ეს დღე ჩვენი საზოგადოებისთვის მნიშვნელოვანია" - შალვა პაპუაშვილი
„გილოცავთ დღევანდელ დღეს ნოვრუზ ბაირამს. ვულოცავ ჩვენი მშვენიერი, მრავალეთნიკური სახელმწიფოს თითოეულ მოქალაქეს,“ – ამის შესახებ, საქართველოს პარლამენტის თავმჯდომარემ, შალვა პაპუაშვილმა, მარნეულში ნოვრუზ ბაირამის დღესასწაულისადმი მიძღვნილ ღონისძიებაზე სიტყვით გამოსვლისას განაცხადა.
პაპუაშვილმა ადგილობრივებს და საქართველოს თითოეულ იმ მოქალაქეს, რომელიც ნოვრუზ ბაირამს ზეიმობს დღევანდელი დღე მიულოცა.
„ეს დღე, ნოვრუზ ბაირამი ჩვენი საზოგადოებისთვის მნიშვნელოვანი დღე არის, არა მხოლოდ მისი კულტურული ტრადიციებიდან გამომდინარე, არამედ იმიტომაც ეს დღე აერთიანებს სხვადასხვა ერის, თუ რელიგიის წარმომადგენლებს. დღესაც აქ, მარნეულში ყველა ერთად აღვნიშნავთ ნოვრუზ ბაირამს, ახალი წლის შემოსვლას, გაზაფხულის, განახლების დღეს. რა თქმა უნდა ჩვენ უნდა გვახსოვდეს, რომ ეს არის არა მხოლოდ ბუნების გამოღვიძების, ბუნების განახლების დღე, არამედ ეს არის დღე, როდესაც ყველა უნდა დავფიქრდეთ საკუთარ თავებზე. დავფიქრდეთ, რომ ეს განახლება იგულისხმება, ასევე, ჩვენს გულში, ჩვენს სულში და ჩვენს ცხოვრებაში. გილოცავთ ყველას ამ დღეს. გვეცხოვროს ყველას მშვიდობიან, მთლიან და ძლიერ საქართველოში“, – განაცხადა შალვა პაპუაშვილმა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
