ძლიერი ქალები აღწევენ წარმატებას ყველა დაბრკოლების მიუხედავად და ნაბიჯ-ნაბიჯ ცვლიან სამყაროს. როგორია იყოთ წარმატებული ქალი და რა ძალისხმევას მოითხოვს ძლიერი ქალი?

FirstNews.ge - ს ქართველი ემიგრანტი ბარსელონადან ნინი კაპანაძე ესაუბრა:

"ჭკვიანმა ქალმა იცის, რომ სამყაროში ყოფა მოგზაურობაა, მას აქვს საკმაოდ პოტენციალი ბუნებრივად, რომ წავიდეს ამ მოგზაურობაში. მხოლოდ ჭკვიანმა და ძლიერმა ქალებმა იციან, რომ ეს მოგზაურობა მათ უძლეველს გახდის. ცხოვრება ჩვენ საუკუნეშიც კი ისეთი ვალდებულებებს გვაკისრებს სუსტი სქესის წარმომადგენლებს, რომ ისევ და ისევ დავემსგავსეთ ვაშლს და ლუციფერს. ამ ორმა ფენომენმა ხომ ღმერთის სამყარო გაადედამიწა. აქ ვხედავ ზუსტად დღევანდელი ქალის სახესაც. ძლიერი ქალი დრომ გამოაქანდაკა.

ალქსანდრე ფიურდტენბერგს დავესესხები და გეტყვით, რომ სამყაროში ყველაფერი ადამიანის ხელშია, ადამიანი კი ქალის ხელშია,"- აცხადებს ნინი კაპანაძე.

მისი თქმით, ძლიერ ქალს თავისი მტკიცე შესაძლებლობიდან გამომდინარე უპირობო სიყვარული შეუძლია და ვინც ამ ზებუნებრივ გრძნობას პირობებს არ უყენებს, ის ყოველთვის გამარჯვებული დედოფალია.

"ეს კრედოები იყო ყოველთვის ჩემი ცხოვრების მეგზური. პრობლემების და სირთულეების დროს შვილზე ფიქრი მაძლევდა მეტ ძალას და მიმართულებას. ვთვლი, რომ ჩემი ცხოვრების" მოგზაურობას " ძლიერი ნაბიჯებით მიუყვები. ემიგრაციაშიც გზას სიმტკიცე და მიზანდასახულობა მინათებს,"- აღნიშნავს ჩვენთან საუბარში ნინი კაპანაძე.