17 თებერვალი სიკეთის სპონტანურად გამოვლინების დღეა. RICDOG-ის წევრები და მოხალისეები ქუთაისში მხარდამჭერ კომპანიებს ესტუმრნენ, რომლებსაც გადასცეს მადლობის სიგელი და მათ თანამშრომლებს სიმბოლურად ტკბილეული დაურიგეს.

RICDOG - ი უკვე ტრადიციულად ახორციელებს აქცია-ღონისძიებას "სიკეთის ეპიდემია".

„სიკეთის ეპიდემია“ არის აქცია, რომელიც აღინიშნება სიკეთის სპონტანურად გამოვლინების საერთაშორისო დღედ. იგი ხორციელდება 2010 წლიდან, უკრაინული ორგანიზაციის „სიკეთის ეპიდემიის“ ორგანიზატორობით.

საქართველოში ამ აქციის ინიციატორი და ორგანიზატორი არის სამეცნიერო-ინტელექტუალური კლუბი „თაობათა დიალოგი“. აღსანიშნავია, რომ იგი მეცამეტედ ტარდება ჩვენს ქვეყანაში.