რუსეთის საჰაერო თავდასხმის შედეგად უკრაინაში 100-მდე დაიჭრა
უკრაინის პრეზიდენტი, ვოლოდიმირ ზელენსკი აცხადებს, რომ 2 იანვარს ოთხი ადამიანი დაიღუპა და სულ მცირე 92 პირი დაიჭრა რუსეთის არმიის მიერ ნასროლი რაკეტებითა და დრონებით. კიევის სამხედრო ადმინისტრაცია აცხადებს, რომ თავდასხმა, თავისი მასშტაბით, რუსეთის მხრიდან ერთი დღით ადრე განხორციელებული იერიშის იდენტური იყო. კიევის მესვეურების თქმით, ქალაქში 2 იანვრის დილით აფეთქებები იყო, რამდენიმე არეალში გაითიშა ელექტრომომარაგება - მას შემდეგ, რაც საჰაერო თავდაცვის ძალები იუწყებოდნენ, რომ უკუაგდეს რუსეთის სარაკეტო შეტევა.
ხარკოვიდან იუწყებიან რუსეთის იერიშის შედეგად ერთი ადამიანის დაღუპვაზე, 20-მდე პირი დაჭრილია.
ერთი დღით ადრე რუსეთმა "შაჰედის" ტიპის დრონების რეკოდრულად დიდი რაოდენობა, 90 ისროლა უკრაინის მასშტაბით.
რუსეთის პრეზიდენტი, ვლადიმირ პუტინი აცხადებს, რომ მისი ქვეყანა გააძლიერებს თავდასხმებს უკრაინაზე. პუტინის მიერ 1 იანვარს გაკეთებულ ამ განცხადებას წინ უძღოდა რუსეთის სასაზღვრო ქალაქის, ბელგოროდის დაბომბვა 30 დეკემბერს - რასაც, როგორც იუწყებიან, შეეწირა 20-ზე მეტი ადამიანი, დაიჭრა 100-ზე მეტი პირი. რუსეთი ამ თავდასხმაში უკრაინას სდებს ბრალს.
სიახლეები
- “დღეიდან წინასაარჩევნო კამპანიის წარმოების წესები ამოქმედდა - 4 ოქტომბერს გაიხსნება 3051 საარჩევნო უბანი, რომელთაგან 2284 უბანზე კენჭისყრა ელექტრონული, ხოლო 767 უბანზე ტრადიციული წესით ჩატარდება” - ცესკო
- “საქართველოს ხედვა ნათელია, არ ვცდილობთ მხოლოდ ჰაბი გავხდეთ, ჩვენი მიზანია ვიყოთ მრავალფუნქციური, მრავალმიმართულებიანი ჰაბი კონტინენტების, ბაზრების, ერებისა და იდეების დამაკავშირებელი” - ირაკლი კობახიძე
- “ხაზგასმით აღვნიშნავთ, რომ სიცრუეა ხაზარაძის და მისი თანაპარტიელების განცხადება, თითქოს მათ აღმოაჩინეს „ტექნიკური გაუგებრობა“ და თავადვე მოახდინეს ბიუჯეტის წინაშე არსებული დავალიანების ანგარიშსწორება” - შემოსავლების სამსახური
- “ენერგომატარებლების გაიაფება ომს შეაჩერებს” - ტრამპი
- ძველი აეროდრომი ახალი მიზნებისთვის – აშშ წყნარ ოკეანეში პოზიციებს აძლიერებს
