„უმძიმესი ვითარებაა სასკოლო განათლებაში“ - არჩილ გამზარდია
უმძიმესი ვითარებაა სასკოლო განათლებაში.სამხრეთ კავკასიაში მსოფლიო ბანკის რეგიონული დირექტორის, სებასტიან მოლინეუსის განცხადებით, კორონავირუსის პანდემიის პერიოდში სკოლების დახურვის გამო, შესაძლებელია, 12-წლიანი სწავლება ხარისხით 7,4- წლიან სწავლებას გაუტოლდეს, - ამის შესახებ სოციალურ ქსელში ანალიტიკოსი არჩილ გამზარდია წერს.
მისივე თქმით, მნიშვნელოვანია, პირველ რიგში შეფასდეს თუ, რა ზარეალი მიადგა სასწავლო პროგრამას, რომ შემდეგ დროულად მოხდეს პროგრამების მორგება საჭიროებებზე.
ანალიტიკოსს ამის დასტურად მოლინეუსის სიტყვები მოაქვს.
‘’საქართველოშიც კოვიდმა და კოვიდით გამოწვეულმა სკოლების დახურვამ მძიმე და მწვავე გავლენა მოახდინა განათლების ხარისხზე. რაც შეეხება იმას, თუ რა უნდა გავაკეთოთ, პირველ რიგში, მნიშვნელოვანია იმის შეფასება, თუ რა ზარალი მიადგა საგანმანათლებლო სისტემას კოვიდის პირობებში და ამის შემდგომ,მნიშვნელოვანია სასწავლო პროგრამები დროულად მოერგოს თანამედროვე გამოწვევებს.
რაც ასევე მნიშვნელოვანია, კურიკულუმმა უნდა უპასუხოს იმ ჩავარდნას, რომელიც განათლების სისტემას ბოლო 2 წლის განმავლობაში ჰქონდა. რა თქმა უნდა, საჭიროა, რაც შეიძლება სწრაფად მოხდეს პროგრამების მორგება საჭიროებებზე, განსაკუთრებით დაწყებითი კლასის მოსწავლეებისთვის",- განაცხადა მოლინეუსმა.
სიახლეები
- თბილისში არასრულწლოვანი დაჭრეს
- ,,დეცენტრალიზაცია არის ერთ-ერთი მნიშვნელოვანი მიმართულება, რაც ვფიქრობ, რეგიონების განვითარებას უფრო მეტად შეუწყობს ხელს"- დიმიტრი ხუნდაძე
- ტრამპი აცხადებს, რომ მან თავიდან აიცილა ბირთვული ომების გაჩაღება მთელ მსოფლიოში
- შსს-ს გენერალურმა ინსპექციამ სამსახურებრივი უფლებამოსილების ბოროტად გამოყენების ბრალდებით დაცვის პოლიციის თანამშრომელი დააკავა
- იმერეთში ყველის არალეგალური საწარმოები გამოავლინეს
