ძლიერი ხანძრის გამო, აფხაზეთის დე ფაქტო ხელისუფლება დახმარებას რუსეთში ეძებს
რუსეთის მიერ ოკუპირებულ აფხაზეთში, მაღალმთიანი სოფლის ფსხუს ტყის მასივში ძლიერი ხანძარია. ფსხუ სოხუმიდან 150 კილომეტრში, ზღვის დონიდან 760 მეტრზე მდებარეობს.
აფხაზეთის დე ფაქტო საგანგებო სიტუაციების სამინისტროს ვებსაიტზე გამოქვეყნებული ინფორმაციიით, ცეცხლი მოდებულია ათ ჰექტარზე მეტ ტერიტორიაზე, რთულად მისადგომ ადგილებზე ვრცელდება და მისი ლიკვიდაცია მხოლოდ ავიაციის გამოყენებითაა შესაძლებელი.
დე ფაქტო უწყების ცნობითვე, მაშველებმა ტერიტორია ვერტმფრენიდან დაათვალიერეს მაქსიმალურად ხელმისაწვდომი ტრაექტორიიდან, თუმცა, ზუსტი სურათის დადგენა ვერ შეძლეს ძლიერი დაკვამლიანების გამო. დე ფაქტო საგანგებო სიტუაციების სამინისტრო არ გამორიცხავს, რომ დასახმარებლად რუსეთს მიმართავს.
აფხაზეთის დე ფაქტო ხელისუფლების მიერ 2011 წელს ჩატარებული აღწერის მონაცემებით, სოფელ ფსხუში ცხოვრობდა 189 ადამიანი, ძირითადად, რუსები(91%).
სიახლეები
- “ეკონომიკის განვითარების დონეზეა დამოკიდებული ქვეყნის ეროვნული ინტერესების რეალიზება, საგარეო პოლიტიკური პოზიციების გაძლიერება, შესაბამისად, ეკონომიკურ ზრდას მომავალშიც განსაკუთრებული მნიშვნელობა მიენიჭება” - ირაკლი კობახიძე
- “ჩვენ ვერ დავუშვებთ საქართველოში ძალადობის წახალისებას, მათ შორის ვერც ბრიტანელი ჩინოვნიკების მხრიდან, უმჯობესი იქნება, დიდ ბრიტანეთში არსებულ პრობლემებზე იზრუნოს ბრიტანელმა ჩინოვნიკმა” - ირაკლი კობახიძე
- “ჩვენთვის მნიშვნელოვანია სტრასბურგის სასამართლოს რეკომენდაცია” - ირაკლი კობახიძე
- პარტიამ „გახარია საქართველოსთვის“ და კოალიციამ „ლელო – ძლიერი საქართველო“ თვითმმართველობის არჩევნებზე ურთიერთთანამშრომლობის შესახებ მემორანდუმი გააფორმეს
- “თორნიკე რიჟვაძემ აჭარისთვის ძალიან ბევრი რამ გააკეთა, მისთვის კორუფცია და მით უმეტეს, ნარკომოვაჭრეების მფარველობა არავის დაუბრალებია, ასეთი რამ, რაც საჯაროდაც გვინახავს, წამოსულია „ნაცმედიის“ და „ნაცჟურნალისტების“ მხრიდან” - მამუკა მდინარაძე
