მისივე თქმით, ქუთაისში დემოგრაფიულ პრობლემას მიგრაციასთან ერთად, შობადობის დაბალი მაჩვენებელიც ამწვავებს.

„ემიგრაცია არის ქვეყნის ერთ-ერთი მნიშვნელოვანი პრობლემა. თუ აქამდე ქუთაისი მოსახლეობის სიდიდით იყო მეორე ქალაქი, ახლა არის მეოთხე ქალაქი. თვეში ქუთაისს, დაახლოებით, ასობით ადამიანი ტოვებს. რაც შეეხება შობადობის სტატისტიკას, თუ გავითვალისწინებთ იმას, რომ ამ ადამიანების უმეტესი რაოდენობა არის ახალგაზრდა, ძალიან ცუდი მდგომარეობა გვაქვს შობადობის მიხედვით. 1767 გვაქვს დაბადების რიცხვი და გარდაცვალება გვაქვს - 2118, ანუ ბუნებრივი მატება არ გვაქვს. ყველაფერმა ამან კი მოგვიტანა ის, რომ ქუთაისი სიდიდით მეორე ქალაქიდან გახდა მეოთხე ქალაქი”, - განაცხადა თემურ ცამციშვილმა, რომლის განცხადებასაც „ნაციონალური მოძრაობა“ ავრცელებს.