ბიუჯეტში გათვალისწინებულია ის პროექტები, რომელიც საჯარო განხილვისას მოქალაქეების მიერ პრიორიტეტად იქნა დასახელებული. საკრებულოს მიერ მიღებული გადაწყვეტილებით სამგზავრო ტარიფიდან გათავისუფლდებიან ააიპ ,,სპეციალური სერვისების“ თანამშრომლები.

განისაზღვრა ქალაქ ქუთაისის მუნიციპალიტეტის ადმინისტრაციულ საზღვრებში გასაშენებელი მწვანე ნარგავების სახეობების, მწვანე ნარგავების გაშენების, მწვანე ნარგავების ჭრის ნებართვის გაცემისა და მათი საკომპენსაციო რგვის განხორციელების წესი და პირობები.

მიღებული იქნა დადგენილება, რომლის მიზანია, ბინათმესაკუთრეთა ამხანაგობების აღრიცხვის წესისა და განვითარების ხელშემწყობის პროგრამების ღონისძიებათა დამტკიცება. საერთო სარგებლობაში არსებული ქონების მოვლა-პატრონობის უზრუნველსაყოფად ადგილობრივი თვითმმართველობისა და ბინათმესაკუთრეთა ამხანაგობების ერთობლივი მონაწილეობა.

ქუთაისის მუნიციპალიტეტის საკრებულოს 2021 წლის 27 იანვრის № 347 განკარგულების თანახმად გასაკეთებელი ობიექტების ნუსხას დაემატა ორი ობიექტი - მე-11 სპორტული სკოლის რეკონსტრუქცია/მშენებლობა და მე-17 სპორტსკოლის კრივის დარბაზების და ადმინისტრაციული შენობის რეაბილიტაცია.