ადგილობრივი თვითმმართველობა, საკრებულოს სტრუქტურა და საქმიანობა - აღნიშნულ თემებზე ირაკლი შენგელიამ ლექცია წაიკითხა
ადგილობრივი თვითმმართველობა, საკრებულოს სტრუქტურა და საქმიანობა - აღნიშნულ საკითხებთან დაკავშირებით ქუთაისის საკრებულოს თავმჯდომარემ, ირაკლი შენგელიამ დღეს, ნინოწმინდის, ახალქალაქისა და დმანისის მუნიციპალიტეტებში დასაქმებული საჯარო მოხელეებისთვის ლექცია წაიკითხა.
ლექციაზე ასევე განხილული იყო მუნიციპალური ორგანოების მუშაობა, საკრებულოს სტრუქტურა, საქმიანობა და დეპუტატების უფლებამოსილება.
ეთნიკური უმცირესობის წარმომადგენელი საჯარო მოხელეები გადამზადებას ამ დროისთვის ზურაბ ჟვანიას სახელობის სახელმწიფო ადმინისტრირების სკოლაში გადიან.
ქუთაისის საკრებულოსა და ზურაბ ჟვანიას სახელობის სახელმწიფო ადმინისტრირების სკოლას შორის გაფორმებული ურთიერთთანამშრომლობის მემორანდუმის თანახმად, ქუთაისის წარმომადგენლობითი ორგანო აქტიურად არის ჩართული საქართველოში მცხოვრები ეთნიკური უმცირესობის წარმომადგენელი, საჯარო მოხელეების გადამზადების პროცესში.
ურთიერთთანამშრომლობის შედეგად ხდება გამოცდილების გაზიარება და პროფესიული ცოდნის განვითარება.
სიახლეები
- "პუტინს სურს, რომ ჩვენი ხერსონის სამხრეთის, ზაპოროჟიეს, ლუგანსკის ოლქის მთელი ტერიტორიის, დონეცკის ოლქის, ყირიმის დაპყრობა აპატიონ" - ვოლოდიმირ ზელენსკი
- "რა დროს ნომერია? სამშობლოს ვკარგავთ" - ნიკა გვარამია
- "პოლიციამ თბილისში ნარკოდანაშაულის ბრალდებით უცხო ქვეყნის მოქალაქე დააკავა" - შსს
- "უკრაინის ტერიტორიულ საკითხზე პასუხი კონსტიტუციაშია, ჩვენს მიწას ოკუპანტებს არ მივცემთ" - ვოლოდიმირ ზელენსკი
- "მივმართავთ უკრაინის შესაბამის უწყებებს, მიიღონ ზომები „დარიალის“ სასაზღვრო პუნქტის ე.წ. ნეიტრალურ ზონაში მყოფი თავიანთი მოქალაქეების უკრაინაში დასაბრუნებლად" - შსს
