„ჯამში ბოლო 10 წელიწადში ჩვენ 31 000 ოჯახს გადავეცით ბინები. ჩვენ ასევე დავიწყეთ სოფლად სახლების გადაცემის პროგრამაც, რომელიც ასევე წარმატებული აღმოჩნდა. მომდევნო 2-3 წელიწადში დამატებით 13 000 ოჯახი მიიღებს ბინებს. აქედან 7000 იქნება ბინა, 6000 კი სახლი“, - აღნიშნა ღარიბაშვილმა.

დევნილი ოჯახებისთვის სამი 16-სართულიანი კორპუსი ქუთაისში, შერვაშიძის ქუჩაზე აშენდა. საცხოვრებელი კომპლექსი თანამედროვე სტანდარტების შესაბამისია და იქ 480 დევნილ ოჯახს სრულად გარემონტებული ბინები გადაეცემა. ამავე კომპლექსში დასრულების ეტაპზეა კიდევ 320 ბინის მშენებლობა, რომლებიც დევნილ ოჯახებს უახლოეს მომავალში ჩაბარდებათ.

ჯამში კომპლექსში ბინას 800 დევნილი ოჯახი მიიღებს. კორპუსები რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ააშენა.