ქართულ-გერმანული ცენტრი ქუთასში საქველმოქმედო აქციებს აგრძელებს
ხვალ, 13:00 საათზე, ქუთაისში არსებული ქართულ-გერმანული ცენტრის ორგანიზებითა და ქალაქ ქუთაისის მერიის მხარდაჭერით, მადლიერების სახლში, საქველმოქმედო აქცია გაიმართება, რომლის ფარგლებშიც ბენეფიციარებს გერმანელი მეგობრების მიერ სპეციალურად მათთვის მოქსოვილი თბილი სამოსი, პლედები და ტანსაცმელი გადაეცემათ.
აქციაში მონაწილეობას მიიღებს ქალაქ ქუთაისის მერის მოადგილე ქალბატონი ნინო თვალთვაძე.
აქციის ინიციატორები გერმანიის ქალაქ ვადერნში მცხოვრები მიულერების ოჯახია, რომლებთანაც ქართულ-გერმანულ ცენტრს მრავალწლიანი პარტნიორობა აკავშირებს. ისინი აქტიურად თანამშრომლობენ სხვადასხვა მიმართულებით, მაგრამ განსაკუთრებული ინტენსივობით გამოირჩევა ჰუმანიტარული მიმართულება. წლების განმავლობაში მიულერების ოჯახი ეწევა სხვადასხვა სახის საქველმოქმედო საქმიანობას ქუთაისში, იქნება ეს მოხუცთა სახლების, კლინიკების, სოციალურად დაუცველი ოჯახების მხარდაჭერა თუ მადლიერების სახლისთვის სამზარეულო აღჭურვილობისა და ავეჯის შეძენა.
ქართულ-გერმანული პარტნიორობა სიკეთისათვის მომავალშიც გაგრძელდება .
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
