ვიზიტის ფარგლებში, 24 იანვარს ხელი მოეწერება ქუთაისისა და იაშშის თანამშრომლობისა და დაძმობილების შეთანხმებას. შეთანხმება ურთიერთთანამშრომლობას ითვალისწინებს შემდეგ სფეროებში: განათლება, კულტურა, სპორტი, ჯანდაცვა, ტურიზმი, გარემოს დაცვა. აღნიშნულ სფეროებში ადგილობრივი საჯარო ადმინისტრირების ორგანოები საკუთარ გამოცდილებას გაცვლიან. ვიზიტის ფარგლებში ასევე დაგეგმილია სხვადასხვა კულტურული ღონისძიებები. საზეიმოდ გაიხსნება ქართველი პოეტის, ბესარიონ გაბაშვილის ბიუსტი.

გახსნის ცერემონიას დაესწრებიან საქართველოს საგანგებო და სრულუფლებიანი ელჩი რუმინეთში ნიკოლოზ ნიკოლოზიშვილი, ქუთაისის მერი გიორგი ჭიღვარია იაშშის მერი საქართველო-რუმინეთის პარლამენტთაშორისი მეგობრობის ჯგუფის ხელმძღვანელი ისკო დასენი და სხვა მაღალი თანამდებობის პირები რუმინეთიდან. ასევე მოეწყობა რუმინულ ენაზე ბესარიონ გაბაშვილის ლექსების კრებულის პრეზენტაცია.