ქუთაისის სპორტის მუზეუმში ვიქტორ სანეევის ხსოვნისადმი მიძღვნილი საღამო გაიმართა
ქუთაისის სპორტის მუზეუმში, საქართველოს ეროვნული ოლიმპიური კომიტეტის იმერეთის რეგიონული ორგანიზაციის ინიციატივით, ოლიმპიური ჩემპიონის ვიქტორ სანეევის ხსოვნისადმი მიძღვნილი საღამო გაიმართა.
ღონისძიებას ქუთაისის ვიცე-მერი დავით ერემეიშვილი, მერიის ადმინისტრაციული სამსახურის უფროსი პეტრე ადამაძე და ადგილობრივი ხელისუფლების წარმომადგენლები დაესწრნენ.
ხსოვნის საღამოს მონაწილეებმა ლეგენდარული მძლეოსანის მიღწევებსა და წარმატებებზე ისაუბრეს.
ვიქტორ სანეევს, ოლიმპიური ოქროს მედლების გარდა, მოგებული ჰქონდა მსოფლიოს და ევროპის ჩემპიონატები. იგი იყო საქართველოს XX საუკუნის საუკეთესო სპორტსმენის „ოქროს პრიზის“ და საერთაშორისო ოლიმპიური კომიტეტის ორდენის მფლობელი; ვახტანგ გორგასლის I და II ხარისხის ორდენების, ღირსების ორდენის და ბრწყინვალების საპრეზიდენტო ორდენის კავალერი.
ვიქტორ სანეევი რამდენიმე დღის წინ ავსტრალიაში გარდაიცვალა.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
