დღევანდელ ღონისძიებაზე იმერეთში, გურიასა და რაჭაში მოქმედი, ის სასტუმროები და კვების ობიექტები დაჯილდოვდნენ, რომლებიც COVID-19-ის მართვის პროცესში აქტიურად იყვნენ ჩართულები.

იმერეთში სახელმწიფო რწმუნებულმა ზვიად შალამბერიძემ მაღალი სოციალური პასუხისმგებლობის, თანამშრომლობისა და გაწეული საქმიანობისთვის კერძო სექტორის წარმომადგენლებს მადლობა გადაუხადა.

გუბერნატორმა ტურიზმის ეროვნული ადმინისტრაციის ხელმძღვანელის მოადგილე თამარ ყორიაულთან ერთად, საკარანტინე პროექტში ჩართული 30-მდე განთავსების ობიექტი დააჯილდოვა.

პროექტში მთელი ქვეყნის მასშტაბით 2020 წლის მარტიდან 250-მდე სასტუმრო იყო ჩართული. სასტუმროებსა და სატრანსპორტო კომპანიებში 5000-მდე ადამიანი დასაქმდა. პროექტის ფარგლებში კი 180,000-მდე ადამიანს გაეწია მომსახურება.

სასტუმროების წარმომადგენლებს ჯილდოები გადაეცათ მთელი ქვეყნის მასშტაბით.