"ეს არის გამოწვეული იმით, რომ საკოორდინაციო საბჭოს მიერ მიRებული გადაწყვეტილებით დავიწყეთ უკვე ჩვენი მოქალაქეების გაფართოებული ანტიგენით  ტესტირება, შესაბამისად 400-მდე შეადგენს სწორედ ამ ანტიგენით გატესტილ რაოდენობას. ჩვენ ვაფართოებთ ანტიგენით ტესტირებას არა მარტო ქუთაისში, არამედ იმერეთის ყველა რაიონში. უფრო მასიური უნდა გავხადოთ ჩვენი თანამოქალაქეებისთვის ტესტირება. ეს გამოიწვევს იმას, რომ კიდევ შეიძლება გაიზარდოს რაოდენობა, მაგრამ დროულად მოხდება გამოვლენა ინფიცირებულების და მათი იზოლაცია",-აცხდებს ზვიად შალამბერიძე.

იმერეთში სახელმწიფო რწმუნებულმა საწოლფონდის რაოდენობაზეც ისაუბრა. ზვიად შალამბერიძის თქმით,  მუნიციპალიტეტში  1200- მდე საწოლია, რასაც ხვალიდან კიდევ 55 ემატება. ახალი კლინიკა, რომელიც კოვიდპაციენტებს მიიღებს, დასავლეთ საქართველოს სამედიცინო ცენტრია, რომელსაც ჰიბრიდული ტიპის კლინიკის სტატუსი ექნება.