როგორც დაავადებათა ეროვნული ცენტრის დირექტორმა განაცხადა, დედაქალაქში შემთხვევების მატება არა რომელიმე კონკრეტულ კლასტერს, არამედ ქვეყანაში COVID-19-ის აქტიურ შიდა გავრცელებას უკავშირდება, თუმცა, მისივე ინფორმაციით, "ოქროს ბირჟის" კლასტერმა 100-მდე ადამიანის ინფიცირება გამოიწვია. 

„თბილისში გვქონდა დიდი „ოქროს ბირჟის“ კლასტერი, რომელმაც დაახლოებით 100 ადამიანის ინფიცირება გამოიწვია და ამ 100-მა ადამიანმა მერე თავისი ოჯახის წევრი (დააინფიცირა), მაგრამ, რომ ვთქვათ, რომ თბილისში მარტო იმან მისცა სტიმული მატებას, ასეც არ არის. არის შიდა გავრცელება ქვეყანაში“, - განაცხადა გამყრელიძემ.

მან საზოგადოებას კვლავ მოუწოდა ნაკლები შეხვედრებისა და რეკომენდაციების შესრულებისკენ.