რატომ ვერ მოხერხდა ინფიცირებული პოლიციელის გადარჩენა - ექიმის განცხადება
პოლიციელს ორივე ფილტვის 90-პროცენტიანი დაზიანება ჰქონდა, – ამის შესახებ ბათუმის რესპუბლიკური საავადმყოფოს მენეჯერმა, გია კიკაბიძემ აჭარაში კორონავირუსით გარდაცვლილ პოლიციელთან დაკავშირებით განაცხადა.
მისი თქმით, 51 წლის პაციენტი საავადმყოფოში 29 სექტემბერს შეიყვანეს, კორონავირუსი კი პირველ ოქტომბერს დაუდგინდა.
„29 სექტემბერში შემოიყვანეს. შემოსვლისთანავე პაციენტს აღენიშნებოდა ტემპერატურა, სუნთქვის გაძნელება და ქოშინი. მას ტემპერატურა სამი დღის განმავლობაში სახლშიც აღენიშნებოდა. პაციენტს კორონავირუსი პირველ ოქტომბერს დაუდგინდა და გაუკეთდა კომპიუტერული ტომოგრაფია. ტომოგრაფიაზე ორივე ფილტვის დაზიანება და სუნთქვის გაძნელება გამოიკვეთა, რის გამოც ინფექციური თერაპიის პალატაში იმყოფებოდა.
გუშინ პაციენტის მდგომარეობა უეცრად დამძიმდა. ამის გამო მას კომპიუტერული ტომოგრაფია კიდევ ერთხელ ჩაუტარდა სისხლძარღვოვანი რეჟიმით და აღმოჩნდა, ორივე ფილტვის 90-პროცენტიანი დაზიანება.
პაციენტი მართვით სუნთქვაზე გადავიყვანეთ, მაგრამ ჩატარებული ინტენსიური მკურნალობის მიუხედავად, გულსისხლძარღვთა მწვავე უკმარისობით გარდაიცვალა. პაციენტს ანამნეზში, შუნტირება ჰქონდა გაკეთებული, მას გულის უკმარისობა და შაქრიანი დიაბეტი აღენიშნებოდა“, – განაცხადა გია კიკაბიძემ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
