კულუმბეგოვის თქმით, ასეთი ადამიანები ყველაზე მეტად ოჯახის წევრებს აინფიცირებენ, რადგან სახლში პირბადეს არავინ იყენებს.

"ყველაზე მეტად გადამდები არის სიმპტომიანი ადამიანი. მაგრამ სიმპტომების დაწყებამდე 48 საათით ადრე, ადამიანი იწყებს ვირუსის გავრცელებას, ამიტომ ეს ადამიანი ავრცელებს ყველგან, სადაც იმყოფება, განსაკუთრებით ნიღბის გარეშე. მსოფლიოში გადადების ყველაზე მეტი მაჩვენებელი ამ დროს, ანუ პრესიმპტომურ გამოვლენამდე ხდება, უფრო კონკრეტულად სახლში, იმიტომ, რომ ამ დროს ადამიანი ნიღბით არ დადის, მითუმეტეს, როცა არაფერი აწუხებს. საზოგადოებრივ სივრცეში, ნიღბის ტარების ვალდებულება ყველას აქვს. რა თქმა უნდა, ყველაზე მეტად ადამიანი საშიაშია აქტიური სიმპტომის,  ცემინებისა და ხველის დროს. მაგრამ 48 საათით ადრე, შესაძლოა, ადამიანმა არც იცოდეს რომ ავადაა და ავრცელებდეს ინფექციას, შესაძლოა, პირველ რიგში ოჯახის წევრები დაასნეულოს",- განაცხადა  კულუმბეგოვმა.