სურსათის ეროვნულ სააგენტოში ამბობენ, რომ ცოფის პირველივე შემთხვევის გამოვლენის შემდეგ მელაანსა და ჩალაუბანში 800-მდე შინაური ცხოველი აცრეს - ძაღლებისა და კატების დიდი ნაწილი, უმეტესობა. სპეციალური ხსნარებით დამუშავდა მათი საცხოვრებელი სივრცეები .

„ჩვენი სპეციალისტები მუდმივ კომუნიკაციაში არიან ადგილობრივ მოსახლეობასთან და თუ მდგომარეობა სტაბილური იყო და ახალი შემთხვევები აღარ გამოვლინდება, კარანტინის რეჟიმი 8 სექტემბრამდე გაგრძელდება“, - ამბობენ სურსათის ეროვნულ სააგენტოში.

გურჯაანის საზოგადოებრივი ჯანდაცვის ცენტრის ინფორმაციით, 26 აგვისტოს მონაცემებით, პროფილაქტიკის მიზნით, ცოფით დაავადებულ ცხოველებთან კონტაქტში მყოფ 21 ადამიანს უკეთდება ანტირაბიული ვაქცინა. მედიკოსების ინფორმაციით, ცოფის ვირუსით ინფიცირების შემთხვევაში ადამიანის გადარჩენის ერთადერთი გზა დროული ვაქცინაციაა.