"მკვლელია ყველა, ვინც არ შეისმინა ექიმების გაფრთხილება" - ქეთი ლობჟანიძე
საფრანგეთში მცხოვრები ქართველი ექიმი ქეთი ლობჟანიძე კორონავირუსის გართულებების შედეგად გარდაცვლილი ქალის, თამრიკო ღოლნტის ერთ-ერთ პოსტს აქვეყნებს და წერს, რომ ის ხვალინდელი სტატისტიკის ნაწილი გახდება.
როგორც ექიმი წერს, პირად მტრად მიაჩნია ყველა, ვინც აცრაზე უარს ამბობს და ვირუსს უხანგრძლივებს არსებობას.
"ეს მშვენიერი და უკეთილშობილესი ქალი ხვალინდელი სტატისტიკის ნაწილი გახდება!
იმ სექტას მივმართავ, ჩემგან დამუნათება რომ იუკადრისა, ბოდიში, მცირედით შემოვიფარგლე, გინება არ შემიძლია! რაც არ უნდა ილანძღოთ, ჩემს სათქმელს მაინც ვიტყვი!დიახ, მკვლელია ყველა, ვინც არ შეისმინა ჩვენი, ექიმების გაფრთხილება, რომ ეს არაა ჩვეულებრივი "გრიპი" და წინ დიდი განსაცდელი გველოდა! ვინც ხელი შეუწყო ვირუსის გავრცელებას და მრავალთა შორის ჩემი მამა შეიწირა, მისი სიცოცხლე თქვენი ყველას ერთად აღებულზე ძვირფასი იყო! მთელი ცხოვრება სიკეთეს აკეთებდა, მტერი არ ყოლია და ისე წავიდა, ვერც კი დავემშვიდობე! ვერა და ვერ ვეგუები ამას და ჩემს პირად მტრად მიმაჩნიხართ ყველა უგულო ზომბი, ვინც ვირუსს უხანგრძლივებთ არსებობას და ასეთ მზე-ადამიანებს კლავთ ახლაც, როცა გამოსავალი ნაპოვნია მეცნიერების წყალობით! წყვდიადში რჩებით და სინათლეს არ უშვებთ თავებში ამ პროგრესის ეპოქაში! ბევრი ვწერეთ თქვენი ეჭვების გასაფანტად, მაგრამ არაა თქვენი საშვლი იძულების გარდა! არც ღმერთის გწამთ და არც ადამიანები გებრალებათ!" - წერს ქეთი ლობჟანიძე.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
