მომდევნო ორი კვირა იქნება ძალიან მძიმე, შემდეგ შეიძლება მივიღოთ კოლაფსი - ალექსანდრე გოგინავა
ინფექციური პათოლოგიის და შიდსის ცენტრის ქეიმი, ინფექციონისტი ალექსანდრე გოგინავა ამბობს, მომდევნო ორი კვირა განსაკუთრაბულად რთული იქნება სამედიცინო და კლინიკური სექტორისთვის, თუმცა თუ მოსახლეობა რეგულაციებს ზედმიწევნით კარგად შეასრულებს და ვაქცინაცია სწრაფი ტემპით გაგრძელდება, 2-3 კვირაში ეპიდსიტუაციის დასტაბილურიების ნიშნები გამოჩნდება.
იმ შემთხვევაში კი, თუ კრიტიკული პერიოდი თვეზე მეტ ხანს გაგრძელდება, გოგინავა ამბობს, რომ შეიძლება სემდიცინო და კლინიკური სექტორის კოლაფსი მივიღოთ.
"ვაქცინაციის შედეგს დავინახავთ დაახლოებით მაშინ, როდესაც მოსახლეობის მინიმუმ 30% იქნება ორჯერადად ვაქცინირებული. ორი კვირა იქნება ძალიან მძიმე და როგორც აღვნიშნე, თუ ყველანი გავაკეთებთ ჩვენს საქმეს კეთილსინდისიერად, ანუ, მოქალაქეები გაგებით მოეკიდებიან ამ ყველაფერს და დაიცავენ რეკომენდაციებს, დაემორჩილებიან იმ რეგულაციებს, რაც არსებობს, სახელმწიფო უზრუნველყოფს, რომ საავადმყოფოში იყოს სწორი ტრიაჟი და მოხვდნენ ის პაციენტები, ვისაც ეს ნამდვილად სჭირდება, ასევე ამ საჭიროებას გაითვალისწინებენ თავად მოქალაქეებიც და ვაქცინაცია წავა სწრაფი ტემპით, ამ შემთხვევაში, ჩვენ ორი კვირის განმავლობაში, თუნდაც ამდენ შემთხვევაზე შეგვიძლია მუშაობა, ჰოსპიტალურ სექტორს შეუძლია იმუშაოს მაქსიმალური დატვირთვით, ადამიანების 24 საათიანი შრომით და გარჯით გაუძლოს არსებულ ვითარებას. მაგრამ, თუ ეს გაიწელა და ეპიდსიტუაცია გაუარესებისკენ წავიდა, თუ ეს ტენდენცია გაგრძელდება ერთ თვეზე მეტ ხანს, რა თქმა უნდა, ამ შემთხვევაში ჩვენ შეიძლება მივიღოთ სამედიცინო სექტორის და კლინიკური სექტორის კოლაფსი.“ - აცხადებს ალექსანდრე გოგინავა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
