თუმცა, იაპონური კვლევითი ჯგუფის თანახმად, "ლამბდა" შტამი "დელტა" ვარიანტზე უფრო საშიშია. იაპონელი ექსპერტები ჯანმო-ს მოუწოდებენ, "ლამბდა" შტამის კლასიფიკაცია შეცვალოს და მას "შემაშფოთებელი" სტატუსი მიანიჭოს.

გამოცემა DW-ის ცნობით, "ლამბდა" შტამი ყველა იმ მოთხოვნას აკმაყოფილებს, რაც "შემაშფოთებელი" კლასიფიკაციის მინიჭებისათვის არის საჭირო. იაპონელი ექსპერტების შეფასებით, "ლამბდა" შტამის შემთხვევაში გაიზარდა ინფექციურობა და  ანტისხეულებისადმი წინააღმდეგობა. 

არის თუ არა ლამბდა ვარიანტი უფრო საშიში, ვიდრე დელტა ვარიანტი, რომელიც ამჟამად ევროპაში სწრაფად ვრცელდება და გახდება თუ არა იგი დომინანტური შტამი, ჯერჯერობით უცნობია.  

რამდენად სწრაფად ვრცელდება "ლამბდა" ვარიანტი კარგად ჩანს პერუს მაგალითზე. დეკემბერში პერუში ლამბდა ინფექციის მხოლოდ 200 შემთხვევა იყო, მარტის ბოლოს კი ინფიცირების ყოველი მეორე შემთხვევა "ლამბდა" შტამით იყო გამოწვეული. ამჟამად, პერუში ინფიცირების 80 პროცენტზე მეტი "ლამბდა” ვარიანტს უკავშირდება.