რატომ იდგმება კარვები რესპუბლიკური და ინფექციური საავადმყოფოების ეზოებში - თამარ გაბუნიას განმარტება
საქართველოს ჯანდაცვის მინისტრის მოადგილე თამარ გაბუნიას განმარტებით, კარვებს რესპუბლიკური და ბოჭორიშვილის სახელობის ინფექციური საავადმყოფოების ეზოებში ვაქცინაციის შეუფერხებელი ჩატარებისთვის შლიან.
მისი თქმით, კლინიკაში რეგისტრაციის გარეშე ვაქცინაციისთვის მისულ პირს რიგის შემთხვევაში, შესაძლებლობა ექნება სპეციალურად მოწყობილ კარავში მოიცადოს.
"მივიღეთ შეკითხვები, თუ რა კარავი გაჩნდა რესპუბლიკურის ეზოში. ასევე ბოჭორიშვილის სახელობის ინფექციური საავადმყოფოს ეზოში. ამისი მიზანია ერთადერთი, თუ იქნება უამინდობა, მაგალითად, წვიმა და მოქალაქეს, რომელიც რეგისტრაციის გარეშე მოვა, შესაძლოა, დიდი რიგი დახვდეს, დაყოვნების საშუალება ექნებათ კარვებში, რომლებიც მოეწყობა იმგვარად, რომ კომფორტული იყოს იქ გაჩერება. ეს არის გადაწყვეტა იმ მოსალოდნელი ნაკადებისთვის, რასაც ჩვენ ველოდებით.
იმუნიზაციის საბჭოს ერთ-ერთი გადაწყვეტილება იყო, რომ უმოკლეს ვადაში ყველა ამცრელ კლინიკას ვირტუალური კაბინეტი გაუაქტიურდება. ანუ რეგისტრაციის გარეშე მოქალაქეებს შეუძლიათ, მივიდნენ და აიცრან უკვე ნებისმიერი ვაქცინით. არა მხოლოდ „სინოვაკით“ და „სინოფარმით“, არამედ „ფაიზერითაც", - განაცხადა თამარ გაბუნიამ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
