რას წარმოადგენს ეს ვაქცინა, როგორია მისი მუშაობის პრინციპი და რა უშლის მის საერთაშორისო აღიარებას ხელს.

BBIBP-CorV - არის ერთ-ერთი COVID-19-ის საწინააღმდეგო იმ ვაქცინებიდან, რომელიც კომპანია Sinopharm-მა შეიმუშავა. Sinopharm -ის ინფორმაციით, ვაქცინამ გამოცდისას 79.34% ეფექტურობა აჩვენა. თუმცა, არაბეთის გაერთიანებულმა ემირატებმა, რომელმაც ვაქცინა იანვარში დაამტკიცა, განაცხადა, რომ მესამე ეტაპის საცდელი შუალედური შედეგების თანახმად, ვაქცინა ეფექტურია 86%-ით. ხოლო კორონავირუსის დაავადების მძიმე მიმდინარეობისას 100%-ით იცავს.

სინოფარმის ვაქცინის მუშაობის პრინციპი შემდეგია: ვაქცინით ადამიანის ორგანიზმში შედის დეაქტივირებული (“მკვდარი“) კორონავირუსის ნაწილები, რომლებიც ადამიანის ორგამიზმში იმუნურ რეაქციას იწვევენ. ალერგიური რეაქციის სიხშირე 2 -ია 1 მილიონ ადამიანზე.

კურსი შედგება 2 დოზისგან. დოზები 21 დღიანი ინტერვალით შეჰყავთ, ვაქცინა ჩვეულებრივ მაცივარში 4-8°C-ზე ინახება.

ევროკავშირის ქვეყნებიდან ვაქცინის დამტკიცების შესახებ  პირველი უნგრეთმა განაცხადა.

ვაქცინის საერთაშორისო აღიარებას ხელს უშლის რამდენიმე ფაქტორი - ერთი ის, რომ კომპანიას ჯერაც არ გამოუქვეყნებია მე-3 კლინიკური ეტაპის დეტალური შედეგები. ამასთან,  Sinopharm-ის დასჭირდება საზღვარგარეთ ჩატარებული III ფაზაში ჩატარებული კლინიკური გამოკვლევების შედეგების შეფასება, რათა დადგინდეს, ორი რეკომენდებული დოზის შემდეგ საჭიროა თუ არა მესამე - გამაძლიერებელი დოზის მიღება, რადგან ვრცელდება ინფორმაცია, რომ რიგ შემთხვევებში ორმა რეკომენდებულმა დოზამ საკმარისი იმუნური რეაქცია არ გამოიმუშავა.