რა შემთხვევაშია შესაძლებელი ვაქცინირებული პირს COVID-19-ით დაინფიცირება
ბრიტანეთის ვაქცინაციისა და იმუნიზაციის ერთობლივი კომიტეტის თავმჯდომარის მოადგილის, პროფესორი ენტონი ჰარდენის განცხადებით, ვაქცინა კორონავირუსის ადამიანიდან ადამიანზე გადაცემის პრევენციას 100%-ით არ უზრუნველყოფს.
ამის შესახებ ბრიტანული გამოცემა The Guardian წერს.
BBC-სთვის მიცემულ ინტერვიუში ენტონი ჰარდენმა განაცხადა, რომ ვაქცინაცია ვირუსის გადაცემას დაახლოებით 50%-ით ამცირებს.
"ინგლისის საზოგადოებრივი ჯანდაცვის კომიტეტიდან და Oxford/AstraZeneca-ს კვლევებიდან გვაქვს მტკიცებულებები, რომ ვაქცინა ხელს უშლის ვირუსის გადაცემას, მაგრამ სრულად არ აღკვეთს მას. მაჩვენებლები ჯერ კიდევ გამოთვლის პროცესში და ის დაახლოებით 50%-ს შეადგენს", - განაცხადა ჰარდენმა.
ენტონი ჰარდენმა აღნიშნა, რომ ვაქცინაციის მთავარი ამოცანაა ვაქცინირებული პირის დაავადებისგან დაცვა. ვაქცინაციის შემდეგ დაავადება ადამიანის ორგანიზმში მძიმე ფორმით აღარ ვითარდება. ხოლო, რაც შეეხება ტრანსმისიას, ვირუსის გავრცელებისაგან თავდაცვის მიზნით მნიშვნელოვანია, რომ ყველა ვაქცინირებულმა პირმა კვლავ დაიცვას დისტანცირების წესები და ატაროს პირბადე.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
