ინტენსიური თოვის, ყინვისა და გზებზე გართულებული მოძრაობის გამო ქუთაისის საერთაშორისო აეროპორტიდან „შატლ ბასების“ მოძრაობა ქუთაისის ცენტრამდე და პირიქით, დროებით ჩერდება, – ამის შესახებ ინფორმაციას ქუთაისის საერთაშორისო აეროპორტი სოციალურ ქსელში ავრცელებს.
საჯარო სამსახურში ახალი - სახელმწიფო მოსამსახურესთან გათანაბრებული პირის სტატუსის შემოღება ხდება.
გურიასა და სხვა რეგიონებში დიდთოვლობით გამოწვეულმა მძიმე პრობლემებმა კიდევ ერთხელ გამოავლინა სტიქიურ მოვლენებთან დაკავშირებით პრევენციული და შემდგომი ღონისძიებების არაეფექტიანობა, რაც პირველ რიგში, საგანგებო სიტუაციების მართვას, საფრთხეების იდენტიფიცირებას და მუნიციპალიტეტებში დამახასიათებელი რისკების გათვალისწინებით, შესაბამისი რისკების მართვის გეგმებს უკავშირდება,- ამის შესახებ განცხადებას სახალხო დამცველის აპარატი ავრცელებს.
საქართველოს საავტომობილო გზების დეპარტამენტი გზებზე არსებული მდგომარეობის შესახებ განახლებულ ინფორმაციას ავრცელებს.
ქუთაისის მუნიციპალიტეტში ინტენსიურად მიმდინარეობს გზების და ტროტუარების გაწმენდა, ბოლო დღეებში უხვად მოსული თოვლის საფარისგან.
გურიასა და აჭარაში მიმდინარე მოვლენები ცხადყოფს, რომ „ქართული ოცნება“ კვლავ ვერ/არ ასრულებს სახელმწიფოს პოზიტიურ ვალდებულებას, დაიცვას მოქალაქეების ჯანმრთელობა, სიცოცხლე და უსაფრთხოება. მოსახლეობას საკუთარი ძალებით უწევს დიდთოვლობასთან გამკლავება, ადგილობრივი მუნიციპალიტეტის ძალისხმევა სტიქიის მასშტაბების გათვალისწინებით არ არის ეფექტიანი, - ასე ეხმაურება „საქართველოს ახალგაზრდა იურისტთა ასოციაცია“, დასავლეთ საქართველოში დიდთოვლობის გამო შექმნილ ვითარებას.
