“ლუკა სირაძის გარდაცვალების შემდეგ საქმის ირგვლივ ახალი დეტალები ხდება ცნობილი. შესაძლოა გამოძიება სხვადასხვა მიმართულებით წარიმართოს და დაკავებული პირების წრეც გაიზარდოს. სოციალური ქსელით გავრცელდა ინფორმაცია, რომ ლუკა სირაძის ყოფილმა კლასელმა გოგონამ, რომელსაც სირაძის წინააღმდეგ ჩვენება მიაცემინეს თვითმკვლელობა სცადა”, - წერს გაზეთი “რეზონანსი” სტატიაში სათაურით ლუკა სირაძის საქმის ახალი დეტალები - რა ხდებოდა დაკითხვის დროს და რატომ სცადა კიდევ ერთმა მოზარდმა თვითმკვლელობა.
საქართველოს საპატრიარქოს პრესსამსახურის ანდრია ჯაღმაიძის ინფორმაციით, 15 წლის ლუკა სირაძისთვის წესის აგება მოხდება.
"15 წლის ლუკა სირაძისთვის წესის აგებაზე არ იქნება დაბრკოლება," - აღნიშნა ჯაღმაიძემ.
მოზარდმა სავარაუდოდ სამართალდამცავების ზეწოლის შემდეგ, რამდენიმე დღის წინ თვითმკვლელობა სცადა, რომელიც საავადმყოფოში გუშინ დაიღუპა.
აღნიშნულთან დაკავშირებით საზოგადოებაში არსებობდა მოსაზრება, რომ რადგან მოზარდმა სუიციდი გადაწყვიტა მართლმადიდებლური ეკლესია წესს არ აუგებდა.
საზოგადოებრივი მოძრაობის „ქვეყნის სამსახურში“ წარმომადგენლებმა შინაგან საქმეთა სამინისტროს წინ მდუმარე პერფორმანსი გამართეს. მათ უწყების შენობის წინ სკოლის მერხი და სკამი მიიტანეს.
ქუთაისში საახალწლო ნაძვის ხის საზეიმოდ აღარ აინთება, მიზეზი 15 წლის მოზარდის ტრაგიკულად გარდაცვალებაა. აღნიშნულთან დაკავშირებით, ქუთაისის მერიამ ყველა სადღესასწაულო და საზეიმო ღონისძიება გააუქმა.
„15 წლის მოზარდის ტრაგიკულმა გარდაცვალებამ შეძრა ჩვენი საზოგადოება. ჩვენ, ყველა ერთად ვართ პასუხისმგებელნი ამ ტრაგედიაზე. შექმნილი მდგომარეობის გამო, 21 დეკემბერს ქუთაისის მთავარი ნაძვის ხე საზეიმოდ არ აინთება“,- აღნიშნულია ქუთაისის მერიის მიერ გავრცელებულ განცხადებაში.
თვითმკვლელობის მცდელობისას დაშავებული 15 წლის მოზარდი საავადმყოფოში გუშინ გარდაიცვალა.
“15 წლის მოზარდს, რომელმაც რამდენიმე დღის წინ თვითმკვლელობა სცადა და დიღომში 9 სართულიანი კორპუსის სახურავიდან გადმოხტა, იაშვილის სახელობის კლინიკაში გარდაიცვალა. ინფორმაცია "რეზონანსს“ იაშვილის კლინიკაში დაუდასტურეს. ექიმები აცხადებდნენ, რომ მოზარდის მდგომარეობა მძიმე იყო და მართვით სუნთქვაზე იმყოფებოდა. მას გუშინ საღამოს ოპერაცია ჩაუტარდა. მისი მდგომარეობა დამძიმდა და მას ტვინის შეშუპება დაეწყო. მოზარდს ოპერაცია ისრაელიდან მიწვეული ექიმების მონაწილეობით ჩაუტარდა. მედიკოსები აცხადებდნენ, რომ ბავშვის მდგომარეობა 4-5დღეში უნდა შეცვლილიყო”, - წერს გაზეთი "რეზონანსი“ სტატიაში სათაურით, კლინიკაში 15 წლის ბიჭის გარდაცვალების გარემოებები – რას ამბობდნენ ისრაელდან მოწვეული ექიმები
სახელმწიფო ინსპექტორი ლონდა თოლორაია ადასტურებს სოციალურ ქსელში გავრცელებულ ინფორმაციას, რომ ლუკა სირაძის ყოფილმა თანაკლასელმა გოგომ თვითმკლელობა სცადა.
