მისივე თქმით, ოპოზიციის დღის წესრიგი იგივე რჩება.

„ჩვენი პოლიტიკური მიზნებისთვის და გეგმებისთვის ამას მნიშვნელობა არ ექნება, ოპოზიციის დღის წესრიგი იგივეა, გავაგრძელებთ მუშაობას ამომრჩეველთან, ასევე ინტერპარტიულ კოორდინაციას საერთო გეგმის შესამუშავებლად და ჩვენს დასავლელ პარტნიორებთან ურთიერთობას“, – განაცხადა სერგო ჩიხლაძემ.

საქართველოს პარლამენტი 51 ოპოზიციონერისთვის სადეპუტატო უფლებამოსილების შეწყვეტის საკითხზე მიმდინარე კვირაში იმსჯელებს. 51 ოპოზიციონერი დეპუტატის საკითხი 2 თებერვლის პლენარულ სხდომაზე განიხილება და კენჭი ეყრება. თუმცა, მანამდე ფრაქცია „ქართული ოცნების“ სხდომა გაიმართება, სადაც მმართველი გუნდი საკუთარ პოზიციაზე ჩამოყალიბდება – ჩატარდეს თავისუფალი კენჭისყრა და დეპუტატებმა ინდივიდუალური გადაწყვეტილება მიიღონ, თუ „ქართული ოცნება“ კენჭისყრაზე გუნდური პოზიციით წარდგება.