მისივე თქმით, დღევანდელი შეხვედრა პოლიტიკური კონსულტაციების პოზიტიური დასაწყისი იყო. თალაკვაძემ დიალოგში დიპლომატების მონაწილეობის მნიშვნელობაზე ისაუბრა.

,,დიდი იმედი მაქვს, რომ დიალოგი გაგრძელდება და ჩვენი საზოგადოებისა და დემოკრატიისთვის მნიშვნელოვან შედეგამდე მივალთ. ჩვენი დიდი სურვილია, რომ დავაახლოვოთ პოზიციები. გარკვეულწილად, დღევანდელი შეხვედრაც ამას ემსახურებოდა. ჩვენ გავცვალეთ არგუმენტები, რომელიც ყველას მხარეს ჰქონდა. განსაკუთრებით მინდა, აღვნიშნო ამერიკის შეერთებული შტატებისა და ევროკავშირის ელჩების მონაწილეობის პოზიტიური მნიშვნელობა“, – განაცხადა თალაკვაძემ.