"არჩევნები წაგებული აქვთ და ეს ივანიშვილმა ყველაზე კარგად იცის" - სააკაშვილი
ქართველი ხალხი ემზადება ქვეყნის დასაბრუნებლად.
ეს იცის მმართველმა გუნდმა და რა დარჩენია გარდა ძალადობისა და ტყუილისა, - ამის შესახებ საქართველოს მესამე პრეზიდენტმა მიხეილ სააკაშვილმა განაცხადა.
მისივე თქმით, "ქართულ ოცნებას" არჩევნები წაგებული აქვს და ეს ივანიშვილმა ყველაზე კარგად იცის.
"მათ არჩევნები წაგებული აქვთ და ეს ივანიშვილმა ყველაზე კარგად იცის. ქართველი ხალხი ემზადება ქვეყნის დასაბრუნებლად. ეს იცის მმართველმა გუნდმა და რა დარჩენია გარდა ძალადობისა და ტყუილისა. ტყუილსა და ძალადობას ქართველი ხალხი პასუხს გასცემს ერთად არჩევნებზე მისვლით, სხვა გზა მე არ ვიცი. ნიკა მელიას რაც გაუკეთეს გლდანში... ღმერთმა დაიფარა ის ბავშვები, თავში რომ მოხვედროდა ვინმეს ის ქვა, მოკლავდა. იმავე დღეს ხდება იგივე ბოლნისში და რამდენიმე დღეში მარნეულში, ეს შემთხვევითობა არაა, ამის ბრძანებაა გაცემული. არ უნდა ავყვეთ პროვოკაციებს. ზუსტად ასე გვიკეთებდა 2003-ში ასლან აბაშიძე. ამან აბაშიძეს და შევარდნაძეს არ უშველა და არც ივანიშვილს უშველის," - განაცხადა მიხეილ სააკაშვილმა "მთავარი არხის" ეთერში.
სიახლეები
- სერბეთში შეტაკებები იყო ოპოზიციურად განწყობილ დემონსტრანტებსა და მთავრობის მომხრეებს შორის
- აფხაზეთის ომის დაწყებიდან 33 წელი გავიდა
- ,,ეს შეხვედრა არის ძალების გაერთიანებისთვის – ვინ უფრო უკეთესად მოემსახურება მთავარ ამოცანას, რომ როგორმე ეს ქვეყანა დაზიანდეს და გაეხვიოს შარში"- გიორგი ვოლსკი
- ,,თუ პირველი შეხვედრა კარგად ჩაივლის, სურვილი მექნება, დაუყოვნებლივ გავუწიოთ ორგანიზება პუტინისა და ზელენსკის შეხვედრას"- დონალდ ტრამპი
- ქუთაისში ნარკოდანაშაულის ბრალდებით სამი პირი, მათ შორის უბნის ინსპექტორი დააკავეს