"ჩვენს მოქალაქეებთან შუამავლები არ გვჭირდება" - გიორგი გახარია
„ქვეყანაში გამოჩნდნენ ადამიანები, რომლებიც ცდილობენ, ფინანსური და, ზოგ შემთხვევაში, პოლიტიკური სარგებელი მიიღონ იმით, რომ ბავშვებსა და მათ მშობლებს დაეხმარონ იმ დახმარების მიღებაში, რომელიც მათ სახელმწიფოსგან ეკუთვნით“, - ამის შესახებ საქართველოს პრემიერ-მინისტრმა, გიორგი გახარიამ მთავრობის სხდომაზე განაცხადა.
პრემიერის განცხადებით, მორალურ პრობლემასთან ერთად, აქ შესაძლოა, იკვეთებოდეს სამართლებრივი პრობლემაც. პრემიერის განცხადებით, მოქალაქეებთან მთავრობას შუამავლები არ სჭირდება და ვისაც რეგისტრაციასთან დაკავშირებული პრობლემა შეექმნება, უფასოდ დაეხმარებიან.
„ჩვენ ჩვენს მოქალაქეებთან არანაირი შუამავლები არ გვჭირდება. ვიღაცები ცდილობენ, ბავშვებისთვის განკუთვნილი დახმარება პოლიტიკურ დივიდენდებში დააკონვერტირონ. მიუხედავად იმისა, რომ, პირველ რიგში, აქ იკვეთება მორალური პრობლემა, თუმცა, შეიძლება, სამართლებრივი პრობლემაც იყოს - ფიზიკური პირების შემთხვევაში და ამას შესაბამისი უწყებები მიხედავენ, თითოეულ ჩვენს მოქალაქეს მინდა ვუთხრა ხაზგასმით, განსაკუთრებით მათ, ვისაც ენის პრობლემა და ბარიერი გააჩნიათ: ნებისმიერი სახელმწიფო ორგანო, სოციალური სააგენტოები, „ლიბერთი ბანკი“, ნებისმიერი ადგილობრივი მუნიციპალიტეტი მათ ყველანაირი ფინანსური სარგებლის გარეშე მიეხმარება“ - განაცხადა გიორგი გახარიამ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა