დეპუტატის თქმით, საქართველოს ასობით ათასი მოქალაქე ყოველგვარი დახმარების გარეშე დარჩა მაშინ, როცა პრემიერი ყოველ კვირას საზოგადოებას ე.წ. ანტიკრიზისულ გეგმებს ტელევიზიიდან აცნობს.

" სად წავიდა და როგორ გაიხარჯა ის სახსრები, რომელსაც პირდებოდა საკუთარ მოქალაქეებს? ჩვენი თანამოქალაქეებისთვის საინტერესო იქნებოდა ის ბიუჯეტი, რომელსაც გვპირდებოდა ბატონი გახარია და დღემდე არავის თვალით არ აქვს ნანახი. ასევე, ძალიან საინტერესო იქნება გავიგოთ, როგორ აპირებს ბატონი გახარია საერთაშორისო დახმარების უზრუნველყოფას, მაშინ, როცა ჩვენი საერთაშორისო პარტნიორები მოუწოდებენ საქართველოს ხელისუფლებას მიიღოს ის პოლიტიკური გადაწყვეტილებები, რომელიც შესაძლებელს გახდის, რომ ამ დახმარებებს გზა გაეხსნას,"- განაცხადა სამადაშვილმა.