როგორც მან აღნიშნა, დიალოგის საშუალება იქნებოდა, რომ არა ის საბოტაჟი, რომელიც “მათ საკუთარ ქვეყანას გამოუცხადეს”.

„ჰიპოტეტურად რომ გითხრათ, იმ ადამიანს ვერ დაელაპარაკები, რომელსაც ცეცხლსასროლი იარაღი აქვს დამიზნებული და როგორც კი, მიუახლოვდები, ეს იარაღი გაისვრის. ამ შემთხვევაში, სიტუაცია ძალიან რთულია. დიალოგის საშუალება იქნებოდა, რომ არა ის საბოტაჟი, რომელიც მათ საკუთარ ქვეყანას გამოუცხადეს და პარლამენტში არ შემოვიდნენ. ამას უფრო ის გარემოება ამძიმებს, რომ საბოტაჟი განახორციელეს არა იმიტომ, რომ რაღაც საკითხების მიმართ აქვთ პრინციპული პოზიცია, არამედ იმ მიზნით, რომ რევოლუცია მოეხდინათ. საკითხებზე მსჯელობა შეიძლება პარლამენტშიც, პარლამენტის გარეთაც. მწვავე დაპირისპირებებიც შეიძლება, მაგრამ ბოლო წლებმა გვანახეს, რომ ერთადერთი მიზანი და ამოცანა საქართველოში ცეცხლის დანთებაა, რომელიც ქვეყანას ნგრევის გზას გაუყენებს.''