დეპუტატმა პარლამენტს მოუწოდა, რომ დავით გარეჯის საკითხზე სპეციალური განცხადება გააკეთოს.

"იმისათვის, რომ პროცესი იყო აბსოლუტურად განჭვრეტადი, აუცილებელია ყველაზე მაღალი პასუხისმგებლობის მქონე სახელმწიფო ინსტიტუტის - პარლამენტის მკაფიო დამოკიდებულების გამოხატვა. რა მანდატი აქვს კომისიას, რომელიც საზღვრის დადგენაზე მუშაობს ან იქნებ ვინმემ გაგვაგებინოს, სად იწყება პასუხისმგებლობის დიაპაზონი და სად იწყება შემდეგ უპასუხისმგებლობა.

ამ დღეებში მესმის ბევრი განცხადება იმასთან დაკავშირებით, რომ ნებისმიერი სახის განცხადების გაკეთება შეიძლება იყოს უპასუხისმგებლობა, მოვერიდოთ ვითარების დაძაბვას. ვფიქრობ, აუცილებელია პარლამენტის მხრიდან კონსოლიდირებული პოზიციის გამომჟღავნება“, - განაცხადა კობა ნარჩემაშვილმა პლენარულ სხდომაზე.