თბილისის საქალაქო სასამართლოში მოსამართლე დავი კურტანიძემ გახარიას აღკვეთის ღონისძიებაზე მსჯელობა წუთი-წუთზე უნდა დაიწყოს. ამჯერად სასამართლო ჩორჩანას საგუშაგოს ეპიზოდს იხილავს.

ახლა საინტერესოა, დააკმაყოფილებს თუ არა მოსამართლე დაცვის მხარის შუამდგომლობას და მისცემენ თუ არა გიორგი გახარიას პროცესზე ჩართვის უფლებას?

გუშინ საქართველოს მთავარმა პროკურატურამ ექს-პრემიერ გიორგი გახარიას წინააღმდეგ სისხლის სამართლებრივი დევნა დაიწყო. საქმე 20 ივნისს და “ჩარჩანას” ეპიზოდს ეხება.

გუშინვე გაირკვა, რომ “ქართული ოცნების” ექს-პრემიერის წარდგენილ საქმეში ნანა კაკაბაძის, ვახტანგ შაქარაშვილის, კახი კახიშვილის და ვახტანგ გომელაურის ჩვენებები დევს.