მისივე თქმით, შესაძლებლობა ექნება საქართველოს ხელისუფლებას, რომ 2026 წელს იყოს უფრო მეტი პროექტი განხორციელებული.

„წარმოდგენილი ბიუჯეტი აჩვენებს, თუ რამდენად სწორი არის საქართველოს ხელისუფლების პოლიტიკა – არ აჰყვეს გარედან მოწოდებებს და არ დააზიანოს საკუთარი მოსახლეობა. სინამდვილეში ხომ ეს იყო და ეს მცდელობებია დღესაც, რომ საკუთარ დღის წესრიგზე გადაიყვანონ საქართველო. შეიყვანონ კონფრონტაციაში, ესკალაციაში არა მხოლოდ რუსეთთან, სხვადასხვა სუბიექტებთან შეიყვანონ კონფრონტაციაში და ამით დააზიანონ ეკონომიკა. ის რომ საქართველოს ხელისუფლება არ მიჰყვება ამ მტერ-მოყვარების რჩევებს და მიჰყვება ქართველი ხალხის ეროვნულ ინტერესს, სწორედ ამის შედეგია გაზრდილი ბიუჯეტი. ამის შედეგია, რომ შესაძლებლობა ექნება საქართველოს ხელისუფლებას, რომ 2026 წელს იყოს უფრო მეტი პროექტი განხორციელებული, როგორც ინფრასტრუქტურული სახის, ისე, განათლების მიმართულებით, სოციალური მიმართულებით. ყველა მიმართულებით გვექნება უფრო ძლიერი ბიუჯეტი. რაც მთავარია, ეს ბიუჯეტი ასახავს ეკონომიკურ ზრდას. ნახტომისეული ზრდა გვაქვს თუ კი შევადარებთ ჩვენს ზრდის ტემპებს, მთლიანად კონტინენტზე არსებულ ზრდის ტემპებს“, – განაცხადა შალვა პაპუაშვილმა.